Palm Sunday| Chawhma Inkhawm

"Hosanna"

 

Reported by Media Cell

 

         Pi C.Zosangzuali'n inkhawm kaihruaiin vawiin inkhawm dam taka min hruaithleng tu Pathian chungah lawmthu a sawi a, inkhawm awm dan tur te puanna hun a hman zawhah Bible chang  Marka 11:1-11,  chhiarin Hla No.179 "Lal Isua hming i fak ang u" thlangin Pathian faka zaihona hun hman a ni. Hla No.111 na hmangin thingthi a inhlanna hun hman chhunzawm niin tawngtainain hun awm leh tur hlanna a nei a ni.

 

         Pu RC Daniela, CSM in thawhlawm lakkhawmna leh kar thar lo awm tura Programme awm turte puanna hun a hmang a ni.

 

         Maj.Vanlalsiami, Commanding Officer hnen atangin Sam No.150-na hmangin Pathian faka chawimawi leh fak a tulzia chungchang hriatpuina tha tak ngaihtlak a ni.

 

         Pu Lalrammawia, Corps Secretray hnen atangin "Hosanna" tih thupui hmanga Pathian thuchhah ngaihtlak a ni. Tukin lama hmun hrang hrang a kawngzawh a tumkua kenga au rual thawm hriat a nawm zia te bakah zalen taka Pathian fak theia kan la awm hlutzia te a hriatchhuah tir thu a sawi a. Hrilhlawkna Bible a lang tam tak hi thleng lo a tlem tawh hle a, Zakaria 9:9 ziakah pawh khan Isua Jerualema Lal anga a luh dawn a, a awm dan tur tam tak hrilhlawkna te kha a ni a.

         Hosana tih hi Hebrai tawng atanga lo kal a ni a "tunah chhandam rawh" tihna a ni. Pathian fakna kan au thawm leh fakna atana kan hman tlanglawn tak thu a ni, chutiang chuan Hosana tih hi Pathian chawimawina atana kan hman lar tak a ni bawk a ni. Isua Jerusalem-a a luh dawn khan a zirtir pahnih te kha sabengtung no tuma la chhuanna ngai loh kha la turin a tir a,  sabengtungno kher a duh chhanin a entir chu remna Lal a nih zia a ni a, a chhuana tur atan kha chuan sa thianghlim ber kha a suh a chutiang chiah chuan keini pawh hi Isua chhenna atan kan thianghlim tawk em, a duhzawng kan ni em, a chhuanna tlak kanni em tih hi kanin ngaihtuah chian a ngai hle a ni. Chutichuan sabengtungno chu rawn lak niin mipui te khan an puan tha tha te an rawn phah a, a thenin chawl te satin an phah ang khan vawiin ni hian keini pawhin Isua tan thihtheih tawk kan nei ve a, kan neihin thil tha deuh a tlin lo pawh a ni thei mahse kan thinglungin Isua tana tih theih tawk a tih hi Isua chuan a pawm em em a ni. Vawiin hian eng ang chiahin nge Isua tan kanin pek ve tih hi kanin zawh chian a ngai hle a, midangte tih emawh thawh lamah buai lovin mahni dinhmun atanga kan theih tawp kan chhuah hi thil pawimawh tak a ni.

         Isua Jerusalema a luh khan Lal angin a lut a, Rome sokar hnuaia an sal tanna chhuah tu tur anih beisei khan an lo lawm a an lo au rual a, keini ho pawh hi vawiin hian sal tanna tam tak natna te, ruihhlo lakah te thil chi hrang hrang a sal tang kan lo ni thei chumi atanga min chhuah thei chu Isua Krista hi a ni a "Hosanna" tih a au reng tur kan ni. Min sal bet tu chi hrang hrang atanga min chhuah zalentu Lalpa hnena a intukluha a hnungzui reng tur kan ni a, Jerusalem a luh a an chawimawi ang khan keini pawh hian bang lova kan chawimawi ve hi a phu em em a ni. Rilru nghet tak, thinglung nghet tak pu chungin, amah hi engkimah ringa dah hmasaberin kan Pathiang lamah kan ngaihtuah te peiin an bawlhhlawhna te, kan sualna zawng zawng te Kross a min hnensak tawhna hre rengin amah chauhah hian kanin nghat pumhlum tur a ni. Pathianin kan za atan a thu kan sawi te malsawm rawh se.

 

 

         Hla No.96 "Aw hmangaihna sawithiam ila" tih hla hmangin Pathian faka zaihona hun hman zawh tawngtairualnain hun tih tawp a ni.