YP ANNUAL 2025

Pu Lalramnuama,    in inkhawm kaihhruaiin inkhawm awm dan turte puanna hun a hman zawhah Bible chang II Timothea 4:7 “Intihsiakna tha chu ka bei zo tawh a, ka tlansiakna kawng ka hlen tawh a, rina chu ka vawng reng tawh a ni”, tih chhiarin tawngtaina hun a hmang a ni. Hla No.58 “Eden parmawi chulhnu tivul leh turin”, tih thlangin Pathian faka zaihona hun hman a ni.

Pu R.C Daniela CSM in thawhlawm lakkhawmna hun leh Programme lo awm leh turte puanna hun a hmang in, Nu leh pate kan fate inkhawm tura hruai tam turin leh an lo bengcheng emaw an lo harh deuh a nih pawhin tumah inthlahrung lova a tam thei ang hruai zel turin min chah a ni.

Christmas puipa te hnen atangin ruaitheh fatu turte leh thil tul ang te puanna hun an rawn nei a ni.

Pi Lalhlimpuii, YPRS hnen atangin Kum 2025 YP Report thenkhat te ngaihthlak a ni a, YP Rally te, YP Senior Meet hman te, YP Sunday hman a nih thu te a sawi a. Inkhawm apianga Bible chhiarrual thin a nih thu leh Bible chang sawi te record thin a nih thu te a sawi bawk a. Hemi bakah hian kum chhungin YP naupang Bible chhiarchhuak an awm nual thu Report a pe bawk a ni. YP te tun kumah Microphone pali(4) lei belh bakah Musc Instrument an leina ba te an pe tla thei a. Kumin chhunga Pathianin a venna leh kaihhruaina ah lawmthu a sawi bawk a ni.

Nl.Lalrinpuii, YPT in lawman semna hun rawn kaihhruaiin lawman semna hun hman a ni.

Kal kim lawman hi Maj.C.Vanlalsiami C.O in a sem a ni, inkhawm 45 awmin Department hrang hrang leh Company Guard te atangin mi     an kal kim a ni

Pahnih na 44 inkhawm te hnenah lawman sem chhunzawm leh a ni. Department hrang hrang leh Company Guard te atangin mi     ten an dawng a ni

Pathumna 43 inkhawm te hnenah lawman sem chhunzawm leh niin Department hrang hrang leh Company Guard te atangin mi     ten an dawng leh a ni.

Maj.R.Lalringgheta, C.O in  Collection lawman semna hun a hman chhunzawm a, Collection lawman semah hian Victoria Lalramtluangi d/o Morris Lalhruaitluanga chuan Rs.11,100/- thawhin pakhatna a ni. Colletion ah hian Y.P Naupang hming ziak zawng zawng ten an dawng vek a
ni.

Pu Lalrammawia, CS-in Bible chang by-heart tam te hnenah lawm
an hlanna hun a hmang a ni:-

1^st Lalpeksanga, Bible chang 281

2^nd Timothy, Bible chang 213

3^rd Lalhruaizela, Bible chang 189

Hemi bakah hian Bible chang by-heart hrim hrim te hnenah Consolation Prize hlan bawk an ni.

Pu R.Lalhuliana, RS leh Pu R.C Daniela, CSM ten YP Corps atang Bible chhiarchhuak mi sawm(10) te hnenah hlanna hun an hmang a ni.

1. Issabella Vanlalthlamuanpuii
2. Stephen Vanlalhruaitluanga
3. Rebeck Zodinpuii
4. Lalpeksanga
5. Cassandra Lianchungnungi
6. Issabella C.Rualthankhumi
7. Lalhruaizela Khupchawng
8. Nl.Remsangpuii Chhangte
9. Pi (U chhana nupuii)
10. Pu Lalramnuama, JSS

Pi Lalkhumtiri YPSM-in lawman tha tak an dawn theih avang leh Inkhawm 45 kal kim thei a an awm avanga Pathian kaihhruaina ah lawmthu a sawi a ni. Senior Corps ten inkhawm tha taka an hmanpui avang in lawmthu a bawk a. Kum te a thar dawn a Naupang hming ziah te a lo hun leh dawn ta a, hming ziah ni turah chuan Nu le pa ten mahni fate hming ziak tura rawn hruai vek turin leh kum tur atanga tan lakpui turin ngenna a siam a ni. Sunday School ringawt loh ah Inkhawm dangah pawh a tam thei ang ber inkhawmpui thin turin leh kan fate than lenna atan pawh a pawimawh thu te thahnem ngaihna thutawi sawina hun a hmang bawk a ni.

Hruaitu in hla  “Hlimnna ni ropui chu a eng” tih thlangin Pathian fakna hla sak zawhah tawngtairualna in inkhawm tih tawp a ni.