EVANGELICAL NIGHT (Dt: 30.06.2025)

Catherine Lalhruaizeli, Evangelism i/c in inkhawm kaihruaiin Bible chang Thuhriltu 11:9-10 leh bung 12:1 te chhiarin inkhawm te tawngtaina in a hlan a. Hla No. 228 “Isu ka hmangaih che, ka ta I ni e” thlangin Pathian faka zaihona hun hman a ni.

Nl. Lalnuntluangi, Secretary in puantur tul puanna leh thawhlawm lakkhawmna hun a hmang a ni.

Pu. Lalfakzuala, Leader in Collection te leh SAY in property thar kan neih Hollow Guitar leh Tripod Stand pahnih te hlanna a nei a ni.

Tv. Ramnghinglova, Asst. Secretary hnen atangin Indian Drugs Users Forum (IDUF) te buatsaih seminar on Foundation for Drugs Free Mizoram ah Salvation Army Youth leh Vaivakawn Corps SAY aiawha an kalna report bengvarthlak tak ngaihthlak a ni.

Tv. Malsawmkima Varte, Deputy Speaker, Bethesda Team hnen atangin ‘Thalaite mamawh Isua’ tih thupui hmangin thuchah ngaihthlak a ni.

Sam 38:9 leh Johana 4:13-14 a chhiar a. Khawvel a thalai te mamawh zawng zawng hi Isua ah a kim vek a ni. Kan hna ah te, kan zirna ah te, kan ngaihzawng chungchang ah te leh kan nunah hian Isua kan rawn thin loh avangin buaina kan tawk fo thin a. Midangte thusawi atang ringawta Isua chanchin hriat tum lovin, keimahni ngei hian Isua hi tawh kan tum tur a ni.

I duhzawng zawng zawng kha I mamawh a ni vek kher lo. Thalaite mamawh zual thenkhat te chu-

1.       Hlimna- Khawiah nge hlimna kan zawn thin? Khawvel thila hlimna kan hmuh theih te hian rei a daih ngailo a, hlimna tluantling chu Isua ah chauh a awm ani.

2.       Thian- 1 Johana 2:15- Khawvel hi hmangaih suh ula, khawvel a thil awmte pawh hi hmangaih hek suh u…. Thalai tam tak te hian thian neihloh kan hlauh lutuk na lamah leh rual pawl loh kan hlauh luat ah hian hum sual kan dai fo thin a, ruihhlo bawiha tan phah te pawh an awm bawk a ni. Thian kawm tur kan thlan dawnin Isua kan rawn hmasa thin tur a ni.

3.       Chawlhna- Matthaia 11:28- Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u. Chawlhna chu Isua ah a awm a ni.

4.       Thlamuanna-  Thlamuanna hi sum leh pai, hausakna ah te hian a awm emaw kan ti fo thin. 1 Timothea 6:9-10 ah chuan tangka sum ngainat hi sual tinreng bul anih thu leh chhiatna leh boralna a mi hruailut tu anih thu kan hmu a. Khawvel thil a hausakna leh nawmna zawng zawng te ai hian Isua hi kan mamawh zawk a ni.

Isua tello chuan engmahlo mai kan ni. Kan ‘Hlutna’ chu Isua a ni a, kan bula Isua a awm hian kan hlu ve chauh thin a ni. Kan thinlungah Isua kan neih loh chuan kan nun a ruak thin a, khawvela hmun khawhar ber chu thinlung ruak hi a ni. Kan chhungril ah hian Isua chauhin a hnawhkhah theih hmunruak a awm a, chu hmunruak chu Isuan a hnawhkhah loh chuan kan hlim ngai lo ang.

Mihring hi khawi atanga lo chhuak nge? Pathian atanga lo chhuak kan ni a, Pathian chu nun nan kan hmang tur a ni. Amah nen a inzawm thlat turin Pathianin mihringte hi min siam a ni.

Praise Team te kaihhruaina in ‘Praise and worship’ hun hlawkthlak tak hman a ni a, he hunah hian thlarau thianghlim awmpuina duhawm tak leh a hnathawh ropui tak kan chang a ni.

Tv. Malsawmkima Varte in tawngtaina a neih zawh hnu ah inkhawm kan bang a ni.

SAY member 43 lai kan inkhawm a, Inkhawm banah refreshment tui tak kan ei ho a ni.