Mother's Day | Dt.11.05.2025

 

Reported by Documentation Board

Thianghlim Inkhawm

        Pu Lalfakzuala, SAY Leader in inkhawm kaihruaiin Bible chang II Timothea 1:5, Sam 22:9&10 leh Thufingte 23:22-25 te chhiarin tawngtainain inkhawmna a hlan a .Hla.No 183 "Lalpa, kan fak lo theih lo che" thlangin Pathian faka zaihona hun hman a ni.

        Pu R.C Daniel CSM in puantur tul leh thawhlawm lakkhawmna  hun a hmang a ni.

        Vaivakawn Y.P Group Singing te hnen atangin "Khawvel hi a boral mek, A chakna te chawpin " hla mawi taka an rem ngaihthlak a ni.

        SAY Group Singing te hnen atangin " Ka nu hmangaihna aw nem chu " tih Pathian fak hla mawi tak ngaihthlak a ni.

          SAY leh YP combine Songsters ten " Ka nun Sipai dan min zirtir" tih hla  an rawn sa bawk a ni.

         Loicy Lalfakzuali YP Corps hnen atangin " Nu, Pathian hnen min hruai thlengtu"  thupui hmangin nu te chungchang ama irawm chhuak a rawn phuahchhuah ngaihnawm tak ngaihthlak a ni

            Nu te leh thalaite leh naupangten hla inchhang sak hona hun neih an ni.

        Pu Lalramnuama, JSS in Bible chang "Ruthi 1:16" chhiarin " tih thupui hmangin thusawi ngaihthlak a ni. Nu hi an pawimawh em em a,hnam tan , ram tan ,chhungkaw tan. Nu tih thumal chauh pawh hi khawvel a thil ropui ber te tih hming 5 zingah a tel pha e ti ila kan sawi sual awm lo ve. Nu te hlutna hi sawi zawh fiah rual ni lo a sawi dawn ila darkar tam tak sawi thei ngei awm e. Lamtuala naupang pakhat amah te a lam hma hruaitu niin , ngaihtuah naa lo lang hma ber chu tunge a nu leh pa  ni ang? Nu fel leh tha tak kaihhruaina hnuai ami  ni ngei ang. Nu tha tak tam tak sawi tur Bible ah pawh an va tam em., kan nu hi engtin chiah nge kan chawimawi theih ang?  

            Ruthi chuan rinawmn takin a nu sakhuana chu vuan ve in, chelh tlatin a zui ve a. Naomi chu nu fel tak ,nu tha tak a ni tih a lang chiang hle a ni. Pu te , pa te in tu leh fate chawi sen lianin an mamawh te phuhruk thin a amaherawh chu ten min uapin ,damlooh chang a zan rei takn tak min thlenpui tu ber chu kan nu te hi an ni tin ila kan sawi sual lo vang.

        Bible thu ah kan hmuh angtin Herodi chuan Pathian duhoh zawng tak apasal a u nen inngaih zawng in. tih hmuh a ni a Inneihna a Hetrodi alam mawi tak mai an hmuh chuan lal chu ti lawm em em in lal chuan  a duh duh pek tiam in a dil na piang pek a nih tur thu a sawi a . Herodi chuan a nu rawnin Lalin a duh duh pek a huam zia thu chu , a nu chuan thurawn thalo tak pe in, thuthlukna atthlak tak a siam phah tan a. Nu thalo chuan fate nun kawng tam tak a kaihruai hnenh zia lang hle a, nu te hi an la dam ve chhung hi chu an bngaihdan thuthluki na hi kawng tam takah kan rawnin kan lan zawm reng fo va chuvangin kan nu te hi Pathian hnaih reng se an nin chutuan ram kan  thlenpui theihnan.

        Zeresi, Hamana a chuan a nupui chu rawn in chawimawi nidawn nih in ringin phur tak maiin anupui chu a hrilh a , engtin nge tia a hlim tak mai a rawn mek lai chuan chu a thu hriat chu a dikloh leh  amah lo midang chu chawimawi a ni leh dawnloh thu chu a lung ni lo ta hle a.. A nupui leh a thiante chuan Mortekaia khaihlumna turin tawngsawmna zet a sang chu an sa ta a amahearawhchu he khaihlumna dawhsan hi Mortekaia khaihlumna tur nilovin Haman a thiltihsual avanga an khaihlumna a lo ni ta zawk a ni.

        Nu tha chu nu din hmun luah zo tak, nu chhuangkua khai khawm thiam tak te hi an va hlu em. Kan  chhehvelah hian thlaia nunkawng diklo leh thalo zawh te hi, an nu te hian engtin nge an enkawl chiah le ? tihte min ngaihthuah thui tir fo thin. Bible a kan hmuh angin Hanni leh Sari fa in chuh changte kan hmu  a, Lal hmaa ann kaln chuan  lal thu thlukna chu a nu dik  tak chuan fa tan bun chu phalloin pakihta azawk chu a hlan ta . Nu tha zawk chu blaln p-awn hmuhy hmaih loin fa chu a nu dik tak hnennah a pe ta ni.

        Nu hlutna hi lo puitling zelin khawvel thang zelah pawh a dang lam ngailo tur a ni a. Kan mamawh zual zel pawh ti ila kan sawi sual awmnlo ve.

            Mans Fellowship ten nu zawng zanwgte  thil pek hlanna hun an nei a ni.

            YP Corps ten HSLC leh HSSLC 2025 pass tharte lawmpuina thil pek an hlan bawk a ni.

            Maj. C Vanlalsiami ,CO in Home League aiawihin lawmthusawina hun a hmangin SAY lam ten Banner mawi tak tak an buatsaih bakah Photobooth mawi tak mai an chawpchhuah avangin leh nu te chawimawina atana YP te nen items chi hrang hrang an neih avang tein lawmthu a sawi a. Man's fellowship ho hovin nu ho zawng zawng te an thil pek avang pawhin lawmthu a sawi bawk a ni.

            Hruaituin hla thlangin Pathian faka chawimawina neih anih zawhah tawngtairualnain hun tih tawp a ni.

Chhandamna Inkhawm

        Pi H.Lalhliappuii, Home League Welcome Sergeant in inkhawm kaihruaiin Bible chang hmun thuma mi Luka 23:27 & 28; Thufingte 22:6 leh Sam 37:23-25 chhiarin tawngtainain inkhawmna a hlan a. Hla.No.375 "He thu hi darh vel se, mihring awmna piangah", tih thlangin Pathian faka zaihona hun hman a ni.

            Pu R.C Daniel CSM in puantur tul leh thawhlawm lakkhawmna  hun a hmang a ni.

            Pu CC Sakhawliana, Corps Treasurer hnen atangin nu te ni pual short speech ngaihthlak a ni a. Vawiin nu te ni lo thlengah hian nu nei tawh lo te pawh kan awm ka ring a mahse nu te hi hmun tinah an awm a ni tih hre thar ila. Hmanna kan awm ho thin na khan kan lung te a ti leng viau dawn a mahse an thu min hrilh thin te kha keimahni ah a awm reng a, an thlarau leh keimah ni hi kan in zawm tlat a ni tih i hre thar ang u. Tunlai kan khawvel ah hian thil lar tak a awm a Shivanji singh tih hi. India leh Pakistan indona ah hian Air Force hovin Pakistan an va beih ah khan an squadron leader kha Shivanji SIng a ni a, hei hian a tih chian chu hmeichhia te hi hmala tu kan ni thei tih leh kan chel zia hi a chiang em em a. A hlawhtlinna thuruk an zawh chu kum naupangte a nih lai atanga a tum ruhna leh a nu in  a lo fuihna leh a lo tanpuina kha a ni a ti a, nu te pawimawhna a lang thar hle bawk a ni. Nu te hian a tha ber an fateah hian hmuh an duh a beiseina an nei sang em em a chumi ti hlawhtling tur chuan fate hi kan pawimawh a ni. Nu te hi inchhung khura Moderator an ni a, pate an lo thinrim a thlem lungawi tu chu nute an ni a chutiang bawk chuan fate lungawi lohna awm pawhin ti lungawi thei tu chu nute tho an ni. Inchhungkhurah an pawimawhna hi tam takin a lang thin a, nute hi chhungkaw doctor an ni. Harsatna hrang hrang kan tawha kan zirlai emaw hnawthawhna a chawlh mai kan chak chang pawha min fuih phur tute chu nute an ni a, thalaite kan ngaihzawng te nen kan inkar a harsatna awm te pawh nute hnen a kan thlen chuan an experience atangin emaw fuihna te min pein kan harsatna te min sut kiang sak thei tu chu nute hi an ni. Kan nute laka kan rilru put hmang te pawh hi fate hian kan siamrem ve thiam hi a pawimawh a ni. 

            Kan thupuiin "Nu, Pathian hnen min hruai thelngtu" tih kan hmuh ang hian nute thurawn lak te nute thuawi te hi van hmun min hruaithleng thei tu a ni tih hriaiin kan nute leh mi nute hi kaikhin lo ila keimah ni hian an mahni a tha lai ber hmuhchhuah hi a pawimawh a ni. Rilru lam doctor chang an ni lova chhungkaw doctor an ni bawk a, na kan neih a an hnen kan thlen chuan a damdawi tur ang te min pe mai a, a dam ve mai zel a ni. Thlaiaten kan hriattur chu pasal zawnna tha ber chu hmeichhia i nihna anga dawngsawng thiam tu hi an pawimawh hle a, hei hi hriatreng tur a ni. Nu te hian kan awmna chin te zawng zawng hi hriat vek an duh thin a, eng thil pawh ti ila an mahni ngaichang chungin an zai ngai taka kan nun hi a ngai a ni. Nu te hian thla 9 lai mai an pum chhungah min pai tih hi hre nawn leh ila khan hun harsa tak an tawhna avanga pawh hian an mahni zah taka dawm leh an duh anga awm te hi kan tih makmawh niin he thu hi kan hriatthar a ngai bawk a. Nu te pawhin kan fate an zirna kawnga pessure kan pek nasat lutuk te hian mahni intihhlumna te a thleng thin a, an zai ngai takin an mahni kawm thiam chunga hun hmanpui te hi a tha a ni. Footballer lar Christiano Ronaldo khan a nu kha engtikah mah a kalsan loh tur thu leh tun dinhmun a thlen theihna tura a harsatna tawh zawng zawng te avanga tun dinhmun hi thleng thei a nih thu leh a nu chu a kalna apaingah a duhna apiangah a hruaizel tur thu a sawi a ni. 

            Nu te hi kan tana bang lova tawngtai thin mi an ni a, kan tan hian engtik lai pawhin an tawngtaiin kan nitin nun atan te kan hmalam hun zawng zawng atan te tawngtaina an nei thin a. Chhandama kan awm theih nan bang lovin Pathian hnenah min dinpui tu an ni a, Nu te tawngtaina hi Pathian hian a ngaithlain a chhang thin a, hetiang ang nu kan neih avang hian Pathian hnenah lawmthu sawi mawlh mawlh tur kan ni. Genesis 21 ah chuan Abrahama chuan Ismaela kha Hagari nen khan a hnawtchhuak a. Hagari khan naupang thi mai tur kha a hmu thei lova hla deuh hlek ah hnimbuk hnuaiah khan a mangang kha a tap ta vak a chumi ah chuan Vantirhkoh kha rawn in larin an manganna kha a hriathu a hrilh a, an awmna hmun hla lo te ah khan tui awmna kha kawhhmuhin an awm an lo nun phah ta a ni. Kha an manganna ah khan an nufa khan Pathian khan an auh ngei a rinawm a chutiang bawk chuan nu leh fate in lungrual taka Pathian kan auh chuan a hlawhthlinna chu Pathianin min hmuh tir dawn a ni tih i hre thar ang u.

                YP Corps te hnen atangin Timbrel Display hmuhnawm tak mai enho a ni.

                Pi H.Lalawmpuii, Home League Secretary in thusawina huna nei a, thu hmahruai atan lawmthusawina hun a hmanga Items zawng zawng te bakah MF ho thilpek avang teiin lawmthu a sawi a ni. Bible chang Luka 6:43-46 chhiarin Pathian thusawi ngaihthlak a ni. Bible chang chhiar atang hian kan Pathian thu hian mihringte a siam atang hian chhungkua hi din a tum hle niin a hriat a, he leilung hi mihringte thu thu hian a awm a sual thei leh felthei chahbi kawl tu kan ni a. Pathian khan in thu thuin awm rawh u leilung leh a chhunga thil awm zawng zawng te ah hian a ti a, inthlah pung turin min ti bawk a ni. Joshua ziakah chuan tih tur min pe a kan ram luah tur chin te a sawi a amaherawh chu a rawngbawl turin min dah a thu min pe a ni. A zawlnei a thuhria te khan Pathian thu kha an hril a, an chhungkua a Lalpa rawngbawl tur khan hriattirin an awm nawn a ni. Timothea ziakah khan Kristan lungphum a nei a, a hnung zuitu ni tura min duh thu kan hmu bawk a ni. 

            Fa kan neih khan nu kan ni ve chiah a, nu te hi kawng engkimah an dik vek lo tih hi kan hriat a pawimawh em em a ni. Pianthara tak ka neih chiah khan fa enkawl kawngah pawh khan hmasawnna tam tak a neih phah thu a sawi a. Krista lungpui nghet kha chhungkua ah kan din chuan fate enkawlna kawngah hian kawngdik kan zawh zel dawn a, vawiin ah hian duhthlanna dik kan thlan hi pawimawh a ni. Pathian kan rinna, amah ah kan innghah a, a thu hria a zawmtu chu thli pawh thaw eng ang mahse a nghing ngai dawn lo ani tih hi hriat a ngai a ni, nute an pawimawh ang tlukin pate pawh hi an pawimawh tak zeta in ban hi a ngheh loh chuan a nghin thin angin inchhung kura lungphun pawimawh tak chu nu leh pate an ni a, thuk takah an phun hi a ngai a ni. Chuvangin Pathian nen a chhungkaw dinna tur hi nulat tlangval lai atanga laih tan a ngai a, kha ban ti nghet tur khan hmeichhia te kha bimah an awm a ngai ani. Hmeichhia thain a kaih ngheh chuan a nghing ngai dawn lova, inchhungkhur dang chu a chawpin a zut mam theih mai dawn a ni. Nupa hian Pathian an pan a ngai a, an chhungkaw tung ding tur leh in ti nghet tur chuan tanrual a rintur dik tak nen chhungkaw hi ke pen pui a ngai a ni.

                Nu ni tur hian zirtur a awm a chu chu keini pawn kan zirtur chu a ni. II Lalte ziakah khan enge i neih tiin hmeichhia kha zawhna pek a ni a, sahriak lo chu neih a neih loh thu a sawi a. Pathian hian keimahni ah enge tihpun tur a neih hi a hre duh a keimahni a kan harsatna te kan manganna te bakah kan chhungkua a kan beidawnna te hi min dahbo sak a, keimah ni a tihpun tur awm te hi tihpun a duh a nute hi chakna thar zawkin kan chhungkaw harsatnan te hi min sut kian sak a duh a ni. Setanan beidawnna min pek te kha min dahbo saka beiseina tam zawk te, hmangaihna te leh thil dang dang te hi min tihpun saka min tihnun sak a duh zawk a ni. Vawiin ah hian kan Pathian thu chuan mitin ka hnena lo kal a ka thu hria a zawm apiang chu Pathian hian an beiseina te chu tih khah a chhun khah a duh ani, kan Pathian thu hi a thlawn lo a ni tih i hrethar ang u. Lalpa tan hian kan zavaiin i in pe thar leh ang u. Pathianin kan za atan malsawm rawh se. Amen!

                Hruaituin Hla No. 364 "A hmangaihnaa ka chawlhin", tih hla thlangin Pathian faka chawimawina hun hman a nih zawhah  tawngtairualna in hun tih tawp a ni.