Project Home Tlawh
25.01.2025(Sat)
Zing dar 6:30 a.m Biakin kawt aṭangin
Maj.Vanlalsiami, CO in ṭawngtaina in mi
thlah liam a.
Tluang taka kal in dar 9:25 a.m ah Bualpui ah tukṭhuan ei ho a ni.
Dar 10:07 ah Bualpui chhuahsanin , dar 10:50 am ah Kolasib lutin Maj.T.Lalringngheta, Wester Diviosion DYS te tlawhin thingpui in hona hun neih a ni. (Theiherawt tui tak min paitir teuh a kan lawm hle a ni)
Dar 11: 55 a.m ah Kolasib chhuahsanin Vairengte lam pan in kan tlan leh ta vang vang a.
Dar 1:40 p.m ah Vairengteah lutin dar 1:50 p.m ah kan thlenna hmun turah kan in nghat fel. Forest IB ah Member 9 riakin, Bawitlung Home Stay ah Member 6 an riak bawk a ni.
Inbual faiin kan awm hahdam a chumi hnu dar 5:30 p.m ah Seipuii Hotel ah zanriah eiturin kan kal a, kan eitui tlang hle a ni. (Chaw ei zo hma deuh deuh table pawh an awm)
Zanriah eikham zawh hian kan Senior Advisor Dr. Richard CLR Hluna te thlenna lamah kal pheiin a tuka kan hun awm dan tur leh kan thil eitur te rel ho a ni a. Assistant Leader Pu K. Lalramthara’n tluang taka Vairengte kan thlen avangte a lawmthusawi tawngtaina te a neih zawhah thingpui sen in ho a titi hona hun nuam tak hman a ni.
(Mahni room kalh thiam lova chabi ringawt rawn keng
chhuakin ngaihtha deuhin room kalh miah lovin chahbi kengin a awm ve char char
te kan awm)
Dar 7:30 a.m ah kan thil eina tur Bawitlung Home Stay tleng pheiin , Breakfast tui tak chhangthawp toast, artui chhum leh thingpui te ei a in ho a ni a Infuihna hun leh kan awm dan turte sawihona neih zawhah dar 8:15 AM-ah Silchar lam pan a chhuah leh a ni
Dar 10:15 AM- ah Silchar Boys Home hmun tluang taka thlen a ni. ( Hemi hunah hian motor a lo tam tawh khawp a, a ri chuah chuah a, Traffic Police te nen kan uniform in zul tak hi kan hmangtangkai hle a ni. Uniform hain an duh duh an phar dingin an kawk kal ve top)
Silchar City Corps ah Dar 11:00 AM ah inkhawm tan a ni a, CSM in inkhawm kaihruaiin min lawmna hun te a hmang a, Boys Home naupangten item an rawn nei a (an fel hlawm in, an zai ringin, an theih patawpa Pathian an fak hmuh kha a nuamin hnuk a ti ulh duh hle a ni). Pu.K.Lalramthara, Asst.Leader-in "Pathian Hmangaihna" tih thupui hmangin Pathian thu tha tak a rawn sawi a ni. Inkhawm banah thlalak hona hun te neih leh a ni.
Dar 11:50 a.m ah inkhawm bangin, CO Quarter-ah thingpui in hona hun neih a ni a, Home te fang kualin Home Father hnenah Hnuchham puala Carol atanga kan hmuhchhuah Rs.33000/- fai hlan a ni. Silchar bazar lamah chawhmeh te leiin darkar chanve chhung bazar-na hun hman niin CO Quarter-ah kan in hmu khawm leh a, Home Father-in tawngtaina a min thlahin Dar 2:23 ah Silchar chhuahsan in Aizawl lam pan a ni
Dar 3:40 PM ah Bhaga bazar ah thil eiin Dar 4:25 PM ah kan chhuahsan leh a ni.
Zan Dar 11:10 p.m ah Pathian kaihhruainain
leh Corps Mipuite leh SAY Me
mber te min tawngtaipuina zarah tluang
takin kan lo thleng.
Note - Kan zin chhung hian kan hlimtlangin hun nuam tak kan hmang a. A bikin motor a chuangho phei chu nuih ho dar dar te zaihona hun te kan neia inpawhna hmanraw tha tak a ni. Kal kawng tluanin harsatna liantham tawk kan awm lova (Driver kawngna erawh kan nei zeuh zeuh a mahse a ni pawh Pathian zarah motor a khalh tluan thei hlauh a ni).
In inpekna te,in hun in leh tha senna zawng zawngte Pathianin a let tam tam takin Malsawm che u rawh se.
Comments
Post a Comment