HARHNA INKHAWMPUI | YOUTH MULTYPURPOSE CENTRE | AINAWN VENG 2024

 

HARHNA INKHAWMPUI

                                                                                                          Reported By Documentation Board

TAWNGTAI INKHAWM (Welcome Meeting)

 

              Maj K.Lalbiaktluanga, DC in Luangmual Vengthang CO Bial ten he Harhna Inkhawmpui lawm taka an lo pawm avangin lawmthu a sawi a. Bible chang Sam 96:1 chhiarin Division buatsaiha Palai Bial tin atanga lo kal te din tirin lawmna hun a hmang a ni. Harhna Inkhawmpui chhim tura lo kal zawng zawngte chungah lawmthu sawiin duhsakna a hlan a. He hunah hian Thlarau Thinghlim zalen taka a lo len theih nan mitin ten kan thinlung kawngkhar kan hawn theuh a pawimawhzia sawiin  inkhawmpui hlanna hun a hmang a ni.

                                        

              Maj R.Zahluna, Zemabawk Bialtu CO in inkhawm a kaihruai a.

              Maj.T.Zothanmawia, DYS in inkhawmpui a lo kal zawng zawng te lawmna hun hmang ve lehin inkhawmpui chhunga items lo awm tur leh Programme lo awm tur te puanna hun a neih chhunzawm leh a ni.

              Pi Lalsangliani, AHLS Falkland Corps in Bible chang Joela 2:12 leh Isaia 43:1 atanga chhiarin tawngtainain inkhawm a hlan a ni.

              Hla No.521 “Isua hmangaihna leh thatna” tih sak hona hun hman a ni.

              Hruaituin Bible chang hmun hnih ami Sam 85:6 leh Tirhkohte thiltih 3:19 & 20 chhiarna hun a hmang a.

              Aux.Capt R.K Lalnghinglova, Thuampui Bialtu CO in Bible chang Philipi 4:6 chhiarin tawngtai pawimawhna te a sawi a, tawngtai thupui panga a chhiarchhuahte hmangin tawngtai rualna hun a kaihruai a ni.

              Ramhlun Corps te hnen atangin Pathian fak leh chawimawi nan “Halleluiah Chorus” tih hla mawi tak an rawn sa a ni.

              Chaltlang Corps, Lily Veng Corps, Durtlang Corps leh Bawngkawn Corps Band ten Combine-in Pathian fak hla mawi tak an rawn rem a ni.

              Dinthar Bial Mens Fellowship ten “Hringnun kan zinkawngah hian” tih hla mawi tak an rawn sa bawk a ni.

              Home League Vaivakawn Corps ten “Eng nge sual tifai thei ang” tih hla hmangin Timbrel Display hmuhnawm tak an rawn lantir a ni.

              Ainawn Corps te hnen atangin “Nangni chhandam fate tho r’u” tih hla mawi takin an rawn sa a ni.

             Central North Divisional Songsters ten Pathian fak leh chawimawi nan “Van hmun ropui” tih hla an sa a ni.

              Hla No.34 “Hming dang zawng zawng aiin” tih sak hona hun hman a ni.

              Chaltlang Corps, Lily Veng Corps, Durltang Corps leh Bawngkawn Corps Band ten Combine-in Pathian fak hla mawi tak an rawn rem leh a ni.

              Maj.Jerry Lalrozama, Speaker in Genesis 31:13 chhiarin “I pianna ramah kir leh rawh” tih thupui hmangin thu a sawi a. He thupui hmanga a thusawi vawikhatna tur anih thu te, inbuatsaih dan pawh a thiam vak loh thu te a sawi a. Mahse he thupui hian phurna nasa tak a pe tih a sawi bawk a ni. Jacoba chhungchang thu sawiin he thu hi Pathianin a biakna a ni a, a awmna leilung kha hosain nuam viau mah se a ta a ni lo tih a chiang a. Pathian khan a pianna rama ho leh tur khan a ti a ni.

Point pakhatna atan chuan “Kan inhriat chhuah a ngai” a ni tih hi a ni a, kan awmna hmun hi kan chian a ngai hle a, eng kawng nge kan zawh a eng dinhmunah nge kan din tih te hi a pawimawh a ni. Luka 15 :17 ah khan fapa tlanbo thuah pawh khan mi hausa fapa a ni a; mi vawk chaw ei mai mai tur ani lo tih kha a in hre chiang a, a pa hnenah khan a kir leh a ni. Mahni kan inhmuh dan hi kan nihdan a ni lova, keimah ni kan inhmuh dan pawh hi kan nihna a la ni chuang lo. Kan nihna dik tak chu Pathian in a thu hmanga min puanchhuah sak zawk hi kan nihna dik tak chu ani a, hei hi zanin hian kan zir chhuah a tul hlein ka hria a ni.

Point hnihna atan “Kan awmna hmun kan hriat chian a ngai” mi thlarau nun te, mi awm dan te leh mi nihna te hi kan sawi zuah zuah thei a mahse mahni thlenchin hi kan hriat chian a kan sawi theih hi a pawimawh hle a ni. Kan awmna hmun a dik loh chuan mihring hi a huaisen theih lova, kohna hmun a awm lo te hian nun ralmuang leh nun hahdam an nei ngai lo a ni. Awm lohna tura awm chuan an tih loh tur an ti fo mai a, Davida chungchangah khan Indo tura chhuak tur a nih laiin Jerusalem ah a awm a. Mi nu uirein Pathian huat zawng tak a tih kha awm lohna turah a awm vang a ni. Lal David khan a tih sual te thup nan Uria kha ko letin a nupui bulah awm turin a ti a mahse Uria chuan ral rama awm tur anih laia a nupui bula lo awm kha a  tih tur a ni lo a ni tih a hriat chian avang khan Lal Davida thu pawh kha a hnial a ni. Hei hian kan tih tura kan chian a ngaih thu leh kan awmna tur hmun kan hriatchian a ngaih zia a ti lang chiang hle a ni tih sawiin, kan ngaihdan leh kan duhdan thlakthleng lehna hi a ni kan pianna hmuna kan kir leh dan tha ber chu. He Harhna inkhawmpui bul tannaah hian mahni inhriat chian ngai kan nih a, kan awmna hmu hre chiang lo kan nih chuan kan pianna hmuna kan kir leh hi a pawimawh tak zet thu a sawi a ni.

              Maj. Lalthianghlima, New Mamit Bialtu CO in Hla No.201-na “Thlarau thianghlim rawn tir ang che” tih hla thlangin, sak hona neih zawhah malsawm tawngtainain inkhawm a titawp a ni.

 

*Welcome Meetinga inkhawm zawng zawng hi mi 357 an ni*     

  THIANGHLIMNA INKHAWM

            Pu K.Vanlalliana, CS Zemabawk Corps in inkhawm kaihhruaiin Bible chang Sam 51:10 - 12 a chhiar a.

            Pi Chalthangi, CCG Zotlang Corps in Sam 90-na chhiarin tawngtainain inkhawm hlanna hun a hmang.

            Capt Lallawmawmi Hrahsel, Darlak CO in thawhlawm lakkhawmna leh hlanna hun a hmang leh a ni.

            Maj T.Zothanmawia, DYS in Harhna Inkhawmpui a puan tur tul leh Programme lo awm leh tur te puanna hun a hmang a ni.

                                       

            Capt.Isaac Lalhmlimpuia, Luangmual Bialtu CO in he inkhawmpui thleng tura an Bial an ruatna ah lawmthu sawiin, hei hian an Bial chhungah inpawhna nasa takin a siam thar a member thawkchhuak pawh an tam thin a; a hlawkthlak hle a ni tih a sawi bawk a ni.

            Maj.K.Lalbiaktluanga, DC in Division Council Member (2024 - 2025) thar mi 119-te an hming puangchhuakin tawngtaina a hlanna hun a hmang a ni.

            Aizawl Bazar Corps, Dawrpui Vengthar Corps leh Luangmual Vengthalang Corps te hnen atangin Combine Band ngaihnawm tak ngaihthlak a ni.

            Salem CO Bial te hnen atangin Pathian fak leh chawimawi nan "Phu loh hmangaihna" tih hla mawi takin an rawn rem a ni.

            Luangmual Vengthlang Bial ten "Ka inpum pek e" tih hla mawi takin an rawn sa a ni.

            Sairang Corps te hnen atangin Timbrel Display hmuhnawm tak enho a ni.

            Chanmari Corps ten "Aw nang kan Lal kan Pathian" tih hla mawi takin an rawn sa a ni. 

            Division Women's Singer ten Pathian fak leh chawimawi nan "Lalpa Pathian engkim tithei" tih hla mawi takin an rawn rem a ni.

            Divisional Songster ten "Ropuiin a en vel (Aw Kross)" tih hla ropui takin Pathian fak leh chawimawi nan an rawn hlan a ni.

            Zemabawk Corps leh Ramhlun Corps te  hnen atangin Combine Band ngaihnawm tak ngaihthlak a ni.

            Hruaitu in Hla No.372-na  "Chhandamtu hmangaihna ka hria" tih hla thlangin Pathian faka zaihona hun hman a ni.

            Maj Jerry Lalrozama, Speaker in Bible chang chhiarin "I pianna ramah kir leh rawh - Sipai nihna-ah" tih thupui hmangin thusawina hun a hmang a, a thusawi te hi point li-ah thenin -

             Point pakhatna atan "Ruh ve hrim hrim hi a tha" tih hi sawi zauin mahni awmna hmuna lo ruh ve hrim hrim, inkhawm tam lo mah se Sipai nihna a ruh ve hrim hrim hi an awm thin a. Hetiang ho hi an nghet phian a, thatna lai pawh hi a tam ve hle a ni. 

            Point pahnihna atan "Kan dinchhanah kan kir leh a ngai" Kohhran hrang hrangin tih dan kan nei a chutiang chuan keini pawn kan dinchhan hi kan hriat chian a, kan kohhran tih dan hi kan chhawm nung a ngai hle a . Pathian hian min dinchhan ang hian kan thawk em? tih hi chiang takin kan inzawh nawn mawlh mawlh a ngai a. Salvation Army khawlai rawngbawlna te hian mi thinlung a hnehin mi tam tak rilru hnehtu a nih angin keini pawh hian kan chhawm nung reng hi a pawimawh hle a, kan kohhran hi kan hriatchian a ngai hle a ni. Pu Kawlkhuman Mizorama-a "Pathian thusawi dik pawl" tih a dinna ah khan kan kir leh a ngai a ni. Mizoramah hian Pathianin engvangin nge Salvation Army hi min dah; eng ti turin nge min duh tih te hi ngaihtuah chian a tha hle a ni. Chhandam nih inhriatna hi kan damlai ngei hian kan nei thei tih hi kan hriat nawn a pawimawh em em  a ni.  Kan thusawi kawngah te hian kan that lohna aiin kan thatna te hi kan sawi tam a ngai a, hei hian nasa takin midang thinlung pawh a hneh zawk thei a hmasawnna nasa tak min pe zawk thei a ni tih i hre thar leh ang u. Baptistma chunghchangah te, Self Deniel te leh thil dang tam tak Kohhran dang ten an neih ve lohah te hian kan kan dinngheh a, kan chhawm nung zel zawk hi a pawimawh em em a ni. Kan zirtirna te kan kalphung te hi sawsel aiin min tiharh thar lehtu a ni zel zawk te hi a lawmawm hle a ni.

            Point thumna atan "Kan inhmangaih thar leh a ngai" tun hma kan  mi hmasa te ang khan in hmangaih thar leh a inchhawmdawl tawn leh hi a ngai em em a. A tute pawh naupang, thalai leh puitlingte pawh hian a neitu dik tak rilru puin Kohhran hi kan kaihruai a ngai hle a, neitu rilru hi kan put thar leh a ngai a ni. Mi hrang hrang awm khawm ni mah ila inhriatthiamna nen rawng kan bawl tlanga Sipai rilru diktak pu chunga kan rawngbawlna tinrengah kan inchhawmdawl tlan a ngai hle thu a sawi a. 

            Point lina atan chuan "Kan thuthlungah kan dinngheh a ngai" Sipai chu thutlung nei kan nih angin, enge kan thuthlung chu a nih tih te, eng ang thutiam nge kan neih tihah te kan hriatchian a ngai hle a. He kan thuthlung hi Kohhran dangte nen a kan danglam bikna pawimawh tak mai a nih avangin vawiin ni ah hian kan zavai mai hian  kan thuthlungah hian kan kir leh a ngai a ni. Kan thuthlung hi tithar lehin kan thuthlungah hian i dingthar leh ang u tiin inkhawm zawng zawng te min sawm nawn leh a ni. Tawngtaina neiin a thusawi a titawp a ni.

            Maj.Aichhungi Fanai, DDWM in Hla No.201 "Thlarau Thianghlim rawn tir ang che" tih hla thlangin Pathian faka chawimawna hun nuam tak hman a nih zawhin Lalbiak tawngtainain inkhawm tih tawp a ni.

            *Thianghlimna Inkhawm zawng zawng mi 755 an ni*

         

        Fakna Inkhawm

            Maj Lalsangzuala, Dinthar Bialtu CO in inkhawm kaihruaiin Programme awmdan tur te puanna hun a nei a.

             Pi Vanlalremi, Chaltlang Corps in Bible chang Jacoba 1:22 na atangin leh Jacoba 4:7 atang tein Pathian thu a rawn chhiar a, tawngtainain inkhawm a hlan a ni.

            Hla No.409 "Nangma thil ropui te an sawi" tih hla hmangin Pathian faka chawimawina hun hman a ni.

            Aizawl Bethel Corps & Ramthar Corps Combine Band ngaihnawm tak ngaihthlak a ni.

            Bazar Corps te hnen atangin Timbrel Display hmuhnawm tak mai en ho a ni.

            Division Women's Singer ten Pathian fak leh chawimawi nan "Hetah hian nunna tui a luang" tih hla mawi takin an rawn rem a ni.

             Thuampui CO Bial Y.P leh SAY Combine-in "Kalvaria Krista" tih hla mawi takin an rawn sa a ni.

            Chanmari West Corps, Hunthar Corps leh Sairang Corps te hnen atangin Combine Band ngaihnawm tak ngaihthlak a ni.

            Dinthar CO Bial te hnen atangin Pathian fakna hla mawi tak  ngaihthlak a ni.

           Chanmari West Corps ten "Harhna Ropui" tih hla Pathian fak leh chawimawinan an rawn hlan a ni.   

                                        

                                        

           Hruaituin Hla No.244 " Aw Pathian nang Lalber i ni" tih hla thlangin zai hona hun hman a ni.

                                        

            Maj. Jerry Lalrozama, Speaker hnen atangin "I pianna ramah kir leh rawh - Pathian rinna-ah " tih thupui hmangin thusawi ngaihthlak a ni a. Bible Chang Sam 37:7 "Lalpa-ah chuan chawl la Amah chu nghak fan fan rawh" tih chhiarin. Kan nun a thil thleng reng reng hi awmze neia thleng a ni a, awmze nei lovin Pathianin kan chungah engmah a thlen tir ngailo tih a chiang hle a ni. Rinna chungchangah hian zir belh tur a tamin vawin chawhnuah hian sawi zawh sen pawh a ni lo a ni. Rinna tak tak chu chawlhna hi a ni a kan Bible chang chhiar takah khan chiang takin a sawi a. Tuina inang lo leh ze inang lo tak tak kan nei te hi a thatna lai tam tak a awm a, hei hian kan rawngbawlna kawngah pawh thawh ho thiamna te kan neih phah zawk thin a ni. Mahse a huho a thil kan tih a, awlsam taka kan tih theih kha a huho lova kan awm hunah tak hian thil tih a harsa thin a. Hemi hunah tak hian kan Rinna kan tih chak hun tur chu a ni. Kan nu leh pa te hi kan aw ki sang in kan chhawn tur a ni lova; engti kawng mahin midang nu leh pa te nen kan teh khin tur a ni lova, kan tluk ngai dawn lo a ni tih hriat tur a ni. Heng kan ze tha lo tam tak te hi Setanan min hnehna tumna hmanrua a ni tih hriaiin he kawng dik lo min zawh tir a tumna atang hian kan tal chhuah theihna hmanraw tha tak chu kan rin tur Pathian  hi kan hriatchian a, Amah ah kan chawlh hahdam hi a ngai a. Inkhawmpui a zawh hunah mahni a kan tlat hran hunah pawh rinna a dingnghet mi, Pathian bel tlat nun neitu kan nih hi a pawimawh hle a ni. Davida nun ropui a tih thu sawiin, Pathianin lal ina a koh luh dan chungchangah pawh khan atan remruatna fel tak a lo neih vang a ni a. Hetiang bawk hian kan nunah hian thil tam tak kan hriatfiah lova thleng a awm thin; mahse Pathian hian kan tan pawh hian tum dang a lo neih thin vang hi a ni tih a lang leh zawk thin a ni. Chuvang chuan kan nunah hian chhan nei lo; awmze nei loin engmah hi alo thleng ngai lo a ni tih a chiang hle mai. Pathianin kan tawrh zawh loh leh kan hneh zawh loh khawp harsatna engmah a thlen tir ngai lo. Hnehtu min nih tir a tum vang zawk leh hneh theih tura min tih chak a duh vang zawk a ni. Harsatna te hi kan tawh tura a dah thin ni. Rinna nen Pathian hnena inghat chungin hnehna hi kan ta a lo ni sa dawn a ni. Lalpa chu ring la Amah nghak fan fan rawh tih thusawiin tawngtaina a neih zawhah  thusawi a titawp a ni.

            Maj.F. Lalramliana, Zuangtui Bialtu CO in Hla No.321 na "Hmanlai Farawa bawihte kha" tih hla thlangin Pathian fak a zaihona neih zawhah malsawm tawngtainain inkhawm a titawp a ni.

                                            *Fakna inkhawm zawng zawng mi 527 an ni*

            Chhandamna Inkhawm

            Maj. Remruatzauva, Sairang Bialtu CO-in inkhawm kaihruaiin Programme awm dan tur te puanna hun a nei a.

            Pi Lalrinmawii, HLS Armed Veng South Corps-in Bible chang Sam 20:1-5 leh Deuteronomy 31:8 chhiarin tawngtainain inkhawm a hlan a ni.

            

            Hla No.521 "Isua hmangaihna leh thatna" tih hla thlangin Pathian fak leh chawimawina hun hman a ni.

            Maj.H.Khaitinthanga, West Phaileng Bialtu CO-in thawhlawm lakkhawmna hun leh hlanna hun a hmang a ni.

            Maj.K.Lalbiakthanga, DC-in thusawina hun neiin nizan maiah Harhna Inkhawmpui kan tan a zaninah a tawp zan kan lo hmang leh ta mai hi a uiawm hle dawna a hriat thu a sawi a. Kan Speaker hnen atanga kan thusawi ngaithlak te a tha hlawm hle mai. TC leh TPWM te bakah Territory Headquarter atanga lo kal zawng zawng te Harhna inkhawmpui tawp zan min lo hmanpui theih avangin lawmthu a sawi a. He inkhawmpui thlengtu Luangmual Bial te bakah mawhphurna neitu zawng zawng te, YMC hman min phalsaktu kan Headquarter te bakah items nei tura rawn kal zawng zawng te chhungah lawmthu a sawi tak meuh meuh a ni.

            Modern English Higher Secondary School Zirtirtu ten Dilzawl a thawktu te tan Life Jacket an Donate chu hlanna hun a hmang bawk a ni.

                                        

            Ramthar North Corps te hnen atangin Pathian fakna hla mawi tak "Aw ropui ber Haleluiah" tih hla ngaihthlak a ni.

            Vaivakawn Corps, Kanan Corps, Dinthar Corps leh Zotlang Corps ten Combine Band neiin "Still" tih hla mawi takin an rawn rem a ni.

            Col.Lalhmingliana, TC-in thusawina hun neiin Harhna inkhawmpui hmanga lo kal zawng zawng te chungah lawmthu a sawi a. Ram danga an hun hman dan te sawiin khawvel pum huapa rawng kan bawlna tur te chu: Mihring, rawngbawlna, Eng ang rohlu nge chhuan lo la awm leh tur te tan kan hnutchhiah dawn tih te a ni a. Pianna rama kir leh tur chuan khawih harh te kan ngai thin a, kan tih tura ngaih pawimawh berah chuan Lal Isuan rawngbawl tura min tih hi kan ngaih pawimawh a tul a ni. He Harhna Inkhawmpuiah hian kan Mission kan tih hlawhtlinna turin i harh thar leh ang u tiin min chah a ni.

            Zemabawk South Corps SAY te hnen atangin Timbrel Display hmuhnawm tak thlir ho a ni.

            Luangmual Vengthlang Bial aiawhin lawmthu sawina ngaihthlak a ni a. Harhna inkhawmpui Division lamin thleng thei tura an chungah rinna an nghat hi an lawm hle thu a sawi a. Hei hian an mahniah phurna nasa tak a pek thu a sawi a. Speaker chungah te, Prayer Ministry lam te, Programme neitu zawng zawng te, Division Council member te, inkhawmpui palai zawng zawng te chungah, Bialtu CO te, Luangmual Vengthlang Bial Council te, Bial chhunga Corps te leh mawhphurhna hrang hrang neitute chungah lawmthu a sawi tak meuh meuh a ni. Vaivakawn Corps SAY Documentation Board te Video min Cover saktu te bakah Pu Jona leh Tv. Josepha te thla min laksaktu te chungah pawh lawmthu a sawi bawk a ni.

            Durtlang CO Bial te hnen atangin Pathian fakna hla "Lalpa fak rawh" tih mawi taka an sak ngaihthlak a ni.

            Salem Corps & Armed Veng South Corps te hnen atangin Combine Band ngaihawm tak ngaihthlak a ni.

            Central North Divisional Songsters ten hla mawi takin Pathian fak leh chawimawinan an rawn sa a ni.

            Maj.Lalrozama, Speaker hnen atangin "I pianna ramah kir leh rawh - Kross-ah" tih thupui hmangin a thusawi ngaihthlak a ni. Bible chang Philipi 2:7 & 8 chhiarin, Christian na luh hma daih tawh atang pawh hian Mizo te nunah hian an chin dan thin tam tak te ngaihtuah let hian Pathian hian kua a lo hreuh reng tawh zawk a.  Lal Isuan Kross a min tawrh sakna te kha kan ngaihtuah let ngai em, khatah khan kan sual zawng zawng te tlen fai a nih tawhna kha kan ngaihtuah let fo hi a pawimawh hle a ni. Kross-a a thihna khan keini misual ber te hi min chhandam a ni. Chu Kross hlat chuan ringtu leh rawngbawltute hi kan kal tur a ni lova nitin maiin kan hnaih deuh deuh tur zawk a lo ni. Keini Isua Chhandamna changtu te hi Pa hmaah kan inlan hunah, Isuan chhuang takin Chhandam fate hi kan rawngbawl dan chanchin te hi ala sawi tur thu a sawi a. Isua thisen avang van khua leh tui nei tawh te kan ni a, kan zui hian van kalkawng a hre lutuk a chuvang chuan Isua hlatin kan awm tur a ni lo. Isua tel lo chuan engmah kan ni lo a, Isua tlanna anvanga mi hlu ve chauh kan ni tih te hi kan hriat chian hi a ngai tak zet a ni. Chuvang chuan kan tan Kross hi a hlu a, chu Kross chu kan hlatsan thei lova, chu Kross kiangah chuan kan awm reng a ngai a ni. Zaninah hian a hniak kan zui na tura Lal Isuan entawn tur min hnutchhiah chu Self Deniel hi a ni. A tawp ber atan chuan tap chhung ringawtin Kross hi zawh tur a ni lova, Pathian hnena "Amen" pe chhungin hahdam deuhin Kross kawng hi a zawh theih a ni tih hriat thar hi a pawimawh em em a ni.

            Lal Isuan min tawrh sakna te hi hrethar lehin Kross-a mihring hlui a chin ralna hmunah hian kan kir leh a ngai a ni tih thu sawiin, tawngtaina hmangin a thusawi a titawp a ni.

            Maj.K.Lalbiaktluanga, DC in inhlanna hun hawngin, inhlan chhung hian Divisional Songsters ten "Nang nen chuan" tih hla mawi takin an sa a ni.  

            Col.Lalhlimpuii, TPWM-in thusawi tawi neiin Harhna khawmpuiah hian mitin mai ten Pathian khawih tharna kan chan theuh hi kan duh ber ani a, Thlarau thianghlim hriak thihna thar chang theuh turin inbuatsaih a ngaih thu a sawi a. Rawngbawltuten mipui lamah ban pharin, Sipai inkhawm zawng zawng te tan TYWM-in tawngtai sakna hun a hmang a. Hemi zawh hian Hla No.191 "Harhna ropui" tih hla thlangin Pathian faka zaihona hun nuam tak hman zawh a nih hnuah malsawm tawngtainain Harhna Inkhawmpui chu tih tawp a ni.

            *Chhandamna Inkhawm a inkhawm zawng zawng mi 763 an ni*