Joint Y.P Rally 2024 | Vaivakawn C.O Bial, Chawnpui Corps & Luangmual C.O Bial Dt.07.09.2024(Saturday)

Y.P RALLY

Reported By Documentation Board

 CHAWHMA INKHAWM

              Pi R.Lalengzami, YPSM Zonuam Corps-in inkhawm kaihhruaiin Bible chang Ephesi 6:1-4 chhiarin tawngtaina in inkhawm a hlan a ni. Hla No.454 na sak hona hun hman a ni.

 

              Jakob Lalchhanchhuaha, Zotlang Corps hnen atangin “Chawimawina” tih hla mawi takin a rawn sa a ni.

 

              Major R.Lalringngheta, Commanding Officer Vaivakawn Bialtu C.O leh Rally Convener ni bawkin Welcome Speech sawina hun a hmang a, Luangmual Bialtu C.O leh Chawnpui C.O te lawmna hun a hmang a. Divisional Songsters Member intihsikna endiktu atana sawm te Vanlalduhsaka, Sinai Corps , Lallawmzuala, Armed Veng South Corps, Lalmalsawma, Chanmari Corps leh Jennifer Vanlallawmawmi , Dawrpui Vengthar Corps te inhmelhriatirna leh lawmna hun a hmang a . Vaivakawn C.O Bial, Chawnpui Corps te leh Luangmual Vengthlang C.O Bial atanga  Palai rawn kal zawng zawng te lawmna hun a hman zawhah tawngtaina a Rally hlanna hun a hmang leh a ni.

              Vanlalduhsaka, Chief Judge hnen atangin Y.P Rally intihsiakna a endik tura an sawm avangin lawmthu sawina neiin thu leh hla an endik dan tur tlangpui te sawiin an mark pek dan tur te sawi zauna hun a hmang a ni.

              Annete Lalduhpuii, CRS Luangmual Corps hnen atangin Recitation ngaihnawm tak ngaihthlak a ni.

              Captain Issac Lalhlimpuia, Luangmual Vengthlang Bialtu C.O in lengkhawm zai intihsikna kaihruaiin Corps tin YPSM te an intihsiak hun tur a pawh tir a, intihsiakna tan a ni.

              
Lengkhawm  zai intihsiak S.A Hlabu No.445 “Lalpa Ram Lak Tum-in”

1. Zotlang Corps

2. Chawnpui Corps

3. Luangmual Vengthlang

4. Ainawn Corps

5. Kanan Corps

6. Luangmual Corps

7. Zonuam Corps

8. Vaivakawn Corps

 

              Solfa S.A Hlabu No. 479 “Hosana Aw Hosana” hmangin intihsiakna neih a ni.

1. Vaivakawn Corps

2. Zotlang Corps

3. Zonuam Corps

4. Kanan Corps

5. Luangmual

6. Luangmual Vengthlang

7. Chawnpui Corps

8. Ainawn Corps

 

              Pi R. Lalmuanpuii, CRS Zotlang Corps in banna siamin hla No.451 "Pathian eng ropuiah kalin" tih thlangin, Lal tawngtaina hmangin chawhma inkhawm tih tawp a ni.

CHAWHNU

 

              Pi. T.C Lalnunmawii, CRS Kanan Corps in inkhawm kaihruaiin, I Timothea 6:12 leh Philipi 3:16 te chhiarin tawngtaina a inkhawm hlanin, Hla No.420 “Do-te hneh tura pawl siam kan ni” tih hla sak hona neih zawh a nih hnuah  inkhawm tan a ni.

              Precilla Lalenkawli,Luangmual Vengthlang Corps hnen atangin Recitation Joba 38:1-18 ngaihnawm taka a sawi ngaihthlak a ni.

              Remruatfeli, Zonuam Corps hnen atangin “Lalpa thlipui a tleh chiam a” tih hla mawi taka a sak ngaihtlak a ni.

              Maj. R.Lalringngheta, Convener in thu hmanga intihsiak kaihruaiin Corps tin aiawhten an intihsiak hun tur an pawt a.

              Beginners Department ten Directory Part-II Bung 4-na hmangin intihsiakna an tan a ni:

1. Vaivakawn Corps

2. Chawnpui Corps

                                    

                                                

3. Kanan Corps

4. Zotlang Corps

5. Ainawn Corps

6. Zonuam Corps

7. Luangmual Corps

8. Luangmual Vengthlang Corps

                                                 

              Junior Department ten Thurin hmangin intihsiakna an nei:

1. Luangmual Corps

2. Chawnpui Corps

3. Zotlang Corps

                                            

4. Zonuam Corps

                                        

5. Luangmual Vengthlang Corps

                                        

6. Vaivakawn Corps

                                                

7. Kanan Corps

                                                

8. Ainawn Corps

                                                

              Hla tawi hlabu no.39 “Sipai pawlah ka kal ang” tih hla sak hona hun hman a ni.

              Inter Department leh Senior Department ten Sam 19-na hmangin thu intihsiakna an nei ve leh a ni:

1. Kanan Corps

2. Ainawn Corps

3. Zotlang Corps

4. Vaivakawn Corps

                                                

5. Luangmual Corps

                                                

6. Luangmual Vengthlang Corps

7. Zonuam Corps

8. Chawnpui Corps

              Judge-te hnenah lawmthusawina thil pek hlan a ni.

                                                

                                                

                                                

              Nl.Lalrinawmi, YPRS, Chawnpui Corps in hun tawpna atan hla no.445 “Sipai pawl rawn zawm rawh” tih hla thlangin, Lal tawngtaina hmangin chawhnu inkhawm tih tawpa ni.

                                        

TAWNGTAI INKHAWM

              Pu Lalramnuama, JSS Viavakawn Corps-in inkhawm kaihruaiin Bible chhiara tawngtaina a neih zawhah Hla No. “Lal Isua thian duhawm ka neih hnu hian” tih thlangin Pathian faka chawimawina hun hman a ni.

              Ainawn Corps Y.P te hnen atangin Live Band ten ''Chu hmun chu''. tih hla mawi taka an rem ngaihthlak a ni.

              Pi Vanlalvuani, YPT Luangmual Vengthlang Corps-in thilpek hlanna hun a hmang.

              Maj.R.Lalringngheta, Convener-in Rally-a puantur tul te puanna hun a hmang a ni.

              Vaivakawn Corps Y.P ten Pathian fak leh chawimawinan “Beiseina'' tih hla Live Band hmangin an rawn rem a ni.

              Luangmual Vengthlang Y.P te hnen atangin “Vanglai nun” tih hla Live Band hmanga mawi taka an rem ngaihthlak a ni.

              Capt. Isaac Lalhlimpuia, Luangmual Vengthlang Bialtu C.O in Bible chang Johana 15:4 chhiarin tawngtaina hun a hmang a. Vanram kai tur hian enge pawimawh? tih zawhna hun te a hmang a; Ephesi 2:1 ah chiang takin a in ziak a, Isua Krista kan rin mai hi awlsam taka Vanram kan kai theihna bulpui ber tur chu a ni. Isua Krista ringtu kan nih a, min chhandam a ni tih kan rin mai hi a tawk em em a. Rom 10:10-ah pawh hian a in ziak a ni. Chianna kan neih loh avang hian kan piangthar lo tihna a ni lova; amaherawh chu Pathian nen a kan relationship kan tih that leh zual hian keimahniah chianna nasa lehzual min siamsak thei a ni. Amah nena kan inhnaih zual deuh deuh hi a ngai a, kan nunah hian chan ngam te pawh hi a ngai a, channa hian nasa takin Pathian hnaih leh zualna-ah min siam thei a ni. Abrahama pawn a fapa Isaac-a a chan ngamnaah khan a hnenah Pathian a rawn inlar a, a fapa mal neih chhun pawh ui lova a tana a in hlan phalna khan Pathian lung a tiawiin an inlaichhinna a tinghet deuh deuh a ni tih a ti langching em em a. Channa pawh hi malsawmnaah a chang thei tih a chiang hle a ni. Pathian thu kan awih a kan zawm te hi midangte tan ni lovin keimah ni tan vek hian malsawmna thlentu bawk a lo ni thin zawk a ni.

              Pathian hian anpui inkawp hi rem a ti lo a ni tih a sawi a, Leviticus-ah te chiang takin a inziak a. Pathian huan zawng tak leh ten zawng tak a ni a, keini Y.P naupang te chu Pathian tana eng chhuak tur kan ni a; kan ti ve reng reng tur a ni lo tih hi kan chian a ngai hle a ni. Puitling film te thleng pawh hian en loh tur a ni. Tunlai khawvel changkannain a ken tel tam tak-ah te hian kan inthiarfihlim a ngai hle ani.

              Deuteronomy 23:23 ah hian inneih hmaa sex hman loh tur tih chiang takin a inziak a, inneih hma-a sex hman hi Pathianin a phal lova; nupui pasal neih hun atana invenghim tlat turin min chah a ni.

              Mahni intihhlum chungchang te hi zir tham niin thil ngaimawh tur tak a ni a. He thil hian kan thalaite a eiral nasain mahni intihlum kan tam hle te hi kan zirchian a, kan naupangte rilru leh ngaihtuahna te pawh hi kan hriatthiampui a hun hle a ni. Heng mite hian Pathianah lo chuan chawlhna tak tak an hmu thei lova; Pathian an hmuh theih nan hma kan lak a, Isua ke bula hruai him kan tih mak mawh a ni.

              Kan sawi tak zawng zawng te kalsan turin leh fihlim tur chuan Pathian nen kan inkar tih that hi a pawimawh em em a. Pathian rawngbawl tur hian tu te pawh hi Pathian hian min kova, zanin a lo kal khawm te pawh hi hun puma Pathian rawngbawl turin leh a ram zauh zelna kawnga kan theih ang ang a hma la turin min sawm a, kan nitin nunah pawh hian Missionary hna kan thawk ve thei reng a ni tih a sawi bawk a ni.

              Zahngaihna thutphah hawn niin “I lamah min hip rawh” tih hla sak chhungin a duh apiang tan hawn a ni a, naupang te Pathian hnenah thutiam la tharin mittui tla chungin leh thinlung leh tihtak zetin an inhlan a ni.

              Kashmir ram, Muslim tamna hmuna Short Term Missionary a kal Tv.Abela leh Nl.Hruaizeli te kawmna hun tawite hman a ni a, Missionary-a an kal duh chhan te leh an kal dan te an rawngbawl dan te ngaihthlak a ni a. An nih ang ang khan Pathian chuan a lo pawmzia te an sawi a, A rawngbawl tur chuan tute pawh a lo duh vek a ni. A hlawkthlakin kan velah hian ringlo mi tam tak Pathian thu hrilh hriat ngai leh Missionary a vah chhuahna tur a la tam zia a ti chiang hle a ni.

              Pu P.C Lalrinchhana, YPRS Zonuam Corps in Hla No.485 “Kan zinna he lei hi zawng lungngaihna mai a lo ni”, tih hla  leh Hla No.325  “Ka chhandam tun min vengin a hnai reng”tih hla te thlangin hun tawpna a siam a, Lal tawngtaina sawirualin inkhawm tih tawp a ni.