Joint Y.P Rally 2024 | Vaivakawn CO Bial, Chawnpui Corps & Luangmual Vengthlang CO Bial Dt.08.09.2024

                                                                                                         Reported by - Documentation Board

Thianghlimna Inkhawm

              Pu Lalfamkima, YPSM, Chawnpui Corps-in Bible chang Sam 134-na “Pathian fak tura sawmna” tih chhiarin tawngtainain inkhawm a hlan a. Hla No.451 “Pathian eng ropuiah kalin” tih thlangin Pathian faka zaihona hun hman a ni.

              Nl.Lalrinpuii, YPT, Vaivakawn Corps-in thawhlawm lakkhawmna hla atan Hla No.590 “Amah chu malsawmna hnar a ni” tih hla thlangin hemi chhung hian thawhlawm lakkhawmna hun hman niin tawngtaina in Pathian hnena thil pek te a hlan a ni.

              Pu R.C Daniela, CSM Vaivakawn Corps-in Corps chhunga hun awm dan tur leh puan tur tul puanna hun te hman chhunzawmin Joint Y.P Rally a rawn kal zawng zawng te lawmna hun a hmang a, an hunlaia Rally te a hriat chhuah thu leh an hunlai te nen a danglam tawh zia te a sawi a. Sunday School zirtirtute pawh mi thiam tak tak an ni tawh a; naupang te pawn kan zirtirtute thu kan awih a ngai a, zirturte kan zahthiam pawh a pawimawh hle thu a sawi a ni.

              Ainawn Corps Y.P ten Worship Dance hmuhnawm tak mai an rawn lantir a ni.

              Chawnpui Corps te hnen atangin “Lungngaihna tuifawn kara ka len laiin” tih hla Live Band a an play ngaihnawm tak mai ngaihthlak a ni.

              Luanngmual Corps te hnen atangin “Tunge” tih hla Live Band hmanga mawi taka an rem ngaihthlak a ni.

              Kanan Corps Y.P ten Worship Dance hmuhnawm tak mai an rawn entir a ni.

              Esther Lunmuankimi, Vaivakawn Corps in Pathian fak leh chawimawinan “Elija hun ropui” tih mawi takin a rawn sa a ni.

              Maj.R.Lalringngheta, Commanding Officer, Vaivakawn Corps-in thusawina hun neiin Lal Isuan naupangte a lawm zia te thu hma-ah sawiin, Bible chang chiarin I kain Isua chu i tannin chhandamna I hmu ang tih thu leh johana 14:1 “Isuan keimah hi kawng leh thutak leh nunna chu Ka ni, Keimah a kal lo chu tumah Pa hnen an thleng lo ang” tih thu te a chhiar a. Piantharna chungchang sawiin he thu pawimawhzia leh nimin lam atanga kan zirlaiah pawh khan kan sawi hnem tawh hle mai a; amaherawh chu he thu hi sawi reng ngai leh inhrilh nawn reng ngai a nih thu a sawi a. Nang leh kei hi rinna avang chauha chhandam kan ni a, Amah hi kan rin tlata min chhandam a ni tih kan pawm mai hi Piantharna chu a ni. Lal Isua Krista ringtute hi Pathian fa kan ni a, khawvelah awm mah ila khawvel mi kan ni tawh lova; Pathian fate kan ni tawh zawk a. Amah nena kan len dun hi A duh a ni. Keini ringtute hi Pathian in kan ni a, chuvang chuan Pathian in chu a thianghlim tur a ni. Keimah ni min tibawlhhlawh thei thil lakah kan inthiarfihlimin kan invawng fel fai hle tur ani tih a sawi a. Thu hriltu ropui tak tak te hi naupangtet atanga Pathian hman tam tak an awm a. Chuvang chuan naupang te hi Pathian hian min duh em em a, A in kan nih hi A duh hle ani. Piangthar tawh kan nih chuan ruihtheihthilah te, mipat hmeichhiatnaah leh tunlai khawvel sualna hrang hrang lakah hian kan inthiar fihlim a, he Pathian In hi kan vawn him that a ngai hle a. Heng te hi Vanram kan kaina tura kan tih makmawh te a ni. Mi hausa leh Lazara chungchang sawiin Pathian neih pawimawh zia te, tunlai kan khawvel a Pathian duhzawnga awm leh Pathian lawm zawnga awm chuan chatuan nun chu kan ta ala ni dawn ani. Chuvang chuan he khawmpui kal zawng zawng te hi Vanramah kan inhmu khawm ngei theih turin he leiah hian kan nun te uluk a hun tha kan la neih lai hian Lalpa tan inserh hrangin a lawm tlak leh a hnen thleng ngei turin inbuatsaih turin min chah a ni.

              Nl. Lalhruaizeli, YPT, Ainawn Corps in hla No. 454 “Sipai pawl rawn zawm rawh” tih hla thlangin Pathian faka zaihona neih zawhah, Lal tawngtaina-in thianghlimna inkhawm tih tawp a ni.

  

Fakna Inkhawm

 

              Pi Zodinpuii, YPSM, Luangmual Corps-in inkhawm kaihruaiin Sam No.100-na chhiar a tawngtaiin inkhawm a hlan a ni.

              Pu Lalrinpuia Sailo, Rally Secretary, Zotlang Corps-in Rally Report pekna hun a hmang a. Joint Rally tur atana hma an lak dan te leh Joint Rally atang a mawhphurhna hrang hrang neitu te leh Rally Bugdet chungchang te sawina hun a nei a. Vaivakawn Corps-in phal taka an lo thlenna-ah te, Section hrang hrang te lo inbuatsaihna zawng zawngah lawmthu a sawi a. Rally atana sum bang la awm chu Vaivakawn Coprs C.O hnenah Rally Treasurer-in a hlan nghal bawk a ni.

              Vaivakawn Corps Y.P ten Worship Dance thiam takin an rawn lantir.

              Kanan Corps te hnen atangin Musical Drama hmuhnawm leh mit titlai tak mai en ho an ni.

              Chawnpui Corps ten Timbrel Display mawi tak mai an rawn lantir leh bawk a ni.

              Pathian fak leh chawimawi nan “Harhna ropui” tih hla sak hona hun hman a ni.

              Luangmual Vengthlang Corps Y.P te hnen atangin Group Singing “Chawimawina leh lawmna” tih hla mawi takin an rawn rem a ni.

              Zotlang Corps Y.P ten Timbrel Display thiam takin an rawn lantir.

              Maj.Lalbiaklawmi, C.O Chawnpui Corps-in thusawina hun neiin naupang te te items te leh an chanvo neih te kha a hmuhnawmin mit a tih tlai hle thu a sawi a. Bible chang I Peter 1:14 chhiarin tawngtaina a neih chhunzawm a ni. Rom khua-a mite hnena lehkha thawn chhiar zawmin thianghlimna hi a pawimawh zia te Bible ah ngei pawh vawi 600 chuang thianghlimna chungchang hi a inziak a. Keini Chandamna Sipai pawl phei hi chuan pawl dang/kohhran dang zawng zawng ai pawhin kan ngai pawimawh leh zual em em a ni. Thianghlimna hi Pathian-a bet tlat a ni a; nizan leh vawin chawhma lama kan thusawi tute thusawi atang pawh khan ngaihthlak a lo ni tawh a.

              Tunlai khawvelah hian sualna a nasa tawhin a tu te pawh hi kan him lo tawh hle mai a. Setana hian kawng hrang hrangin min bei a thiamna a san rual hian sualin a min beih dan pawh hi a danglam ve zel mai si a. Hengah te hian kan inthiarfihlim ngei ngei tur ani. A bik takin Sex phei hi chu nupui/ pasal kan neih hma a hman hi Pathian phal loh thil a ni tih i hre thar leh ang u. Hemi chungchang hi kanin hrilh hriat hi a pawimawh reng a ni. Tunlaiah neih in ang inkawp bakah mahni nihna nilova inthlak thleng te hi a hluarin kan ramah ngei pawh an awm ta hial mai te hi a pawiin hmalak dan tur te pawh hi zir tham a ni tawh a ni. Chandamna Sipai pawl naupang te hi Lalpan thianghlim turin min kova kan lei hringnun kan hman zel kawngah pawh hian a pawimawh hle a, sualna chi hrang hrang, ruihtheih chi hrang hrang te, sex lamah te hian kan fihlim hi a pawimawih hle a ni.

              Vawinah hian Pathian tan inhlan thar leh turin Naupang inkhawm zawng zawng te sawmin Hla No.225 “ I temple thianghlim ka ni ang” tih hla hmangin zahngaihna thutphah hawn a ni. In hlan zawng zawng te tawngtaisakna hun hmangin a hun hman a titawp a ni.

              Ainawn Corps Y.P te hnen atangin ‘Reaction’ hmuhnawm tak leh dangdai tak mai en ho a ni.

              Maj.R.Lalringngheta, Convener-in Joint Rally result puanna hun a hmang a, Kum 2024 Joint Rally chhunga nungchang tha ber Corps chu Chawnpui Corps niin lawmman tha tawk tak pek an ni.

              Kum 2024 Joint Rally Vaivakawn C.O Bial, Chawnpui Corps leh Luangmual Vengthlang C.O Bial a lawman dawn dan chu hetiang hi ani:

1st Kanan Corps

                                                

2nd Luangmual Vengthlang Corps

3rd Luangmual Corps

4th Vaivakawn Corps

4th Zonuam Corps

4th Zotlang Corps

                                                

4th Chawnpui Corps

                                                 

4th Ainawn Corps

                                                  

              Hruaituin Items pahnih request theih hun a siam angin Vaivakawn Corps Y.P Live Band te leh Ainawn Corps Y.P ‘Reaction’ te ngaithlak a, thlir ho leh a ni.

              Hla hnuhnung atan Hla No.521 “Isua hmangaihna leh thatna” tih hla thlangin Pathian fak leh chawimawina hun nuam tak hman ani a, lamtual khatin naupangte Pathian fak leh chawimawiin an lam a ni. Lal tawngtaina in Kum 2024 Joint Y.P Rally chu tih tawp a ni.