ZAN CHANVE TAWNGTAI

ZAN CHANVE TAWNGTAI 

Reported by Tv.Lalremruatdika, Evangelism Asst.i/c

 

        Ni 13.05.2024 zan dar 9:00 p.m ah Vaivakawn Corps SAY Executive Council in a rel tawh angin Zan chanve tawngtaina hun hi hman ṭan a ni. SAY Member 25 bakah chhimtu pakhat nen he hun hi hman a ni.

        Session 1 naah hian Evangelism I/c Nl. Laltlanthianghlimi Sailo in hun a hmang a, hun awm dan tur leh kan hmandan tur te puanna hun a neiin Mathaia 16:41 "Thlemna a in luh loh nân ṭawngṭai rawh u" tih thu sawi zauin, Pathian awmpuina dilin hun a hmang a ni.Ṭawngṭai rualna kaihruai nghalin lâwmthu sawina aṭangin ṭawngṭai rualna neih a nih hnuiin Session khatna chu zawh a ni.

        Session 2 naah hian Nl. Rosaline C.Vanlalruatin hun rawn hmang leh in dar 9:30 p.m ah ṭan a ni a, Ṭawngṭai thupuiah Local Officer Commission tan leh Acting Local Officer tan ṭawngṭai sakna hun hman a ni.

        Session 2 na kan neih zawhin darkar chanve chhung Refreshment ei hona hun hman a ni a, kan refreshment min siamsak tu Pu. Liana chungah lawmthu kan sawi tak meuh meuh a ni.

        Session 3 na hian Nl.S.Vanlalawmpuii'n hun hmang in dar 10:30 p.m ah kan ṭan leh a ni a, Ṭawngṭai thupuiah hian YP Company Guard mi sawmparuk(16), YP naupang zawng zawngte, Nu leh pate tân ṭawngṭai sakna hun te hman niin. SAY OB te, Incharge hrang hrang te leh SAY Member mi 108 te tân ṭawngṭai hona hun hman leh a ni.

        Session 4 naah hian Tv. Malsawmkima Varte in hun hmangin Bethel na hun ṭha tak hman a ni a, Thlarau Thianghlim chenchilhna nasa tak kan dawng a, malsâwmna kan dawn avangin Pathian hnênah lâwmthu kan sawi mawlh mawlh a ni. 

        Session 5 naah hian Nl. P.C Lalchhanchhuahin hun hmangin Ṭawngṭai thupui ah hian kan Commanding Officer te chhûngkaw, Chowkidar te chhûngkaw leh Vaivakawn Corps aṭanga rawngbâwl a chhuak tawh leh la chhuak zêl tur te tan ṭawngṭai sakna hun hman a ni a. Hemi zawhah hian member kal zâwng zâwngten inṭawngṭai sakna tawnna hlawkthlak tak hmangin Session 5 na chu tih tawp a ni.

        Session 6 na leh a tawpna atan Tv. Lalremruatdikan hun hmangin he session-ah hian Pathian hnena lawmthu sawina leh Pathian chawimawi hona hun hmangin zan chanve tawngtai chu zawh a ni. He zan a hun tha leh lawmawm tak min hmantir a damna leh hriselna tha min pe tu kan Pathian hnenah lawmthu kan sawi mawlh mawlh a ni.