Y.P SUNDAY 2024

Y.P SUNDAY

Reported by Pi.Valalhlimpuii, YPRS

    










Ni 2.6.2024 hian Vaivakawn YP Corps chuan YP Sunday hmangin, Pi Lalkhumtiri YPSM-in inkhawmna a kaihruai a. Kumin YP Sunday thupuiah hian "RINAWMNA" tih hman a ni. 

        Loicy Lalfakzuali, Senior Department-in Bible chhiara tawngtaina hun a hmang a.

       Nl.Jenny Lalngaihawi, Company Guard-in Sam 13:1-6 Bible chang chhiar rualna hun a kaihruai a ni.

       Department tin te hnen atangin Item chi hrang hrang ngaihthlak a ni : 

       Beginner Department ten Bible chang Sam 103:1&2  thiam tak leh ngaihnawm takin an rawn sawi a.

       Primary Department te hnen atangin "Khawvel sum tinreng leh lunghlu" Group singing ngaihnawm tak ngaihthlak ani.

     Junior Department ten nu leh pa thuawih pawimawh zia drama hmuhnawm takin an rawn chang chhuak a, zirtir a nei thain a hlawkthlak hle a ni.

       Intermediate Department hmeichhia te hnen atangin Trio "Engtia awm thei nge"  leh mipa te hnen atangin Bible chang Sam 150 sawi te ngaihthlak a ni.

        Senior Department atangin Zaipawl "Samari mitha" tih hla thiam taka an sak ngaihthlak a ni.

      YP Corps in kan chhuan ve em em YP Beat Group ten "I sual ritphurh tihbona I duh em" tih zai mawi takin min awi bawk a ni.

       Pi H. Lalawmpuii, HLS,Vaivakawn Corps in he hun hi min hman puiin kan thupui, "Rinawmna" tih hmangin thu tha leh hlu tak kan ngaithla a. I Korinth 4:1-2 "Keini hi Krista rawngbawltuah leh Pathian thuruk enkawltuah min ngai rawh se. Hetah hian enkawltu chu mi rinawm nih a ngai bawk a ni", tih chhiarin Rinawm pawimawhna points sarih hmangin thu tha tak naupang te tana hriatthiam tur leh kan hman mai theih te a sawi a. Rinawmna hian ken tel tam tak neiin midang te tan mai ni lovin keimahni tan ngei pawhin mawlsawmna tam tak a lo thlen thei a. Naupangte chu kan thiltihna kawng tin rengah rinawm tlat turin leh nun kaihruaitu atan a hmang tlat turin a chah bawk a ni. 

     Pi. Vanlalhlimpuii, YPRS in banna hun siamin zaihona neih a nih hnuah Lal biaknain inkhawm tih tawp a ni a, Inkhawm ban hian thlalak hona hun hman a ni. 

        Inkhawm banah refreshment tui tak kan dawng bawk a ni.

     Central North Division in ruahmanna a siam angin YP Corps hmingin 'Luanchhuahna' neih a ni bawk a. Zan lamah YP Sunday chhunzawmna atan Senior Corps ah YP in item kan nei leh bawk a ni.