Tawngtai Inkhawmpui | Tawngtai Inkhawm

 

TAWNGTAI INKHAWMPUI

Reported by Documentation Board

 

              Maj.K.Lalbiaktluanga, Divisional Commander, Central North Division-in tawngtai inkhawm a lo kal zawng zawng te chungah lawmthu sawina hun a nei a.  Bible chang Hosea 6:1 “Hawh u, Lalpa hnenah I kir ang u: Min lo pawt sawm tawh na a, min tidam leh dawn si a, Min lo vaw tawh na a, min tuam leh dawn si a”,tih a chhiar a. Bible chang a chhiar tak anga hun kan hman theih ngei a besei thu a sawi a,tawngtaina a neih hnuah inkhawm tan a ni.

 

              Colonel Lalhlimpuii, TPWM-in inkhawmpui hlanna hun hmangin khawngaihna hun tha kan nei hi a lawmawm thu a sawi a. Zanin hi tawngtai inkhawm a nih angin eng harsatna pawh neiin; mangna tam tak pawh nei mah ila kan Lalpa Pathian hi belh tlak a ni a, A hnehah hian I kir leh ang u tih thu a sawi a ni.

              Hla No.244 ‘Aw Pathian, nang Lalber I ni’, tih hla thlangin zaihona hun leh mahni a tawngtaina a inhlantharna hun neih a ni a. Hemi zawh hian tawngtaina hun neiin inkhawmpui hlanna hun a hmang a ni

 

              Vaivakawn Corps Songsters ten “Kan Ngai Che Lalpa” tih hla mawi takin Pathian fakna hun an nei a ni.

 

              Maj.R.Lalringngheta, Co-ordinator DPCC CND leh Vaivakawn Bialtu CO ni bawkin palai lawmna hun a hmang a. Territorial Commander, TPWM, DC, DPCC, Speaker leh a Team te, Items neitute Luangmual Vengthlang CO Bial, Central North Divisional Songsters leh Bial tin atanga member lo kal zawng zawngte lawmna hun a hmang a ni.

 

               Pu Lalramsiama, PFS-in tawngtai vawikhatna kaihruaiin tawngtai thupui pahnih:

1. India rama Kristian tihduhdah tuarte tan leh rinna a an dinngheh theih nan.

2. Pathian ram a zau zelna tura Territory leh Division hrang hranga ruahmanna an siamte tihhlawhtlin a nih theih nan.

                Inkhawm zawng zawngten tawngtai rualna hun hman a ni.

 

              Pu R.Lalhuliana, DPCC Secretary-in DPCC member te inhmelhriatirna hun neiin OB te leh Council Member te din tirin lawmna hun neih a ni a. Report tawi pekna hun a hmang a, a tir aiin hmasawnna tam tak an neih tawh thu te leh kiam lam aiin pun lam an pan zel thu te a sawi a ni.

 

              Luangmual Vengthlang C.O Bial ten “Min tawngtaisak fo thin” tih hla mawi takin an rawn rem a ni.

 

              Inkhawm hruaituin Hla No.433 “Kan Pathian Sipai tho r’u! Khua a lo var dawn ta e” tih hla thlangin a thlan chhante a sawi bawk a ni.

 

              Pu Vanlalhruaia, QM-in tawngtai vawihnihna kaihruaiin tawngtai thupui pahnih:

1. Kan ram hruaitute leh Sawrkar hnathawkten rinawm leh dik taka an mawhphurhna an hlen theih nan.

2. Ruihhlo ti mekte leh a zuartuten an lo sim theihnan leh sim tura an beihnaah tanpuitu ni theuh thei turin.

              Heng thupui pahnih hmang hian tawngtairualna hun neih niin kaihruaituin hun tawp a rawn siam a ni.

 

              Central North Division Songster-ten Pathian fak leh chawimawi nan “A hmangaih a ngai reng fo” tih hla nung takin an rawn sa a ni.

                                        

              Col. Lalhmingliana, Territorial Commander IET-in tawngtaina neiin hun chep tak karah zanin tawngtai inkhawm zana hun tha an neih theih avangin lawmthu a sawi a. IET chhungah Pathian ropuina kan hmu zela; zaninah pawh hian Pathian inpuanna a hmuh ngei a rin thu a sawi a ni. Bible chang Hosea 7:13 leh Luka 15:11-32 chhiarin he tawngtai inkhawpui atana thupui “Hawh u,Lalpa hnenah I kir leh ang u” tih hi kan ram pawhin a mawmawh tak a ni tih a sawi a. Ringtute pawh hi chauh chang nei thin kan ni a, tumah hi chak reng kan awm lova; chuvang chuan nitin hian Lalpa hnenah kan rilru te kan siamthar thin a ngai a ni. Bible chang Hosea ziakah hian Pathian an kal bosan avanga an harsatna tawh te sawiin Pathian kal bosan hlauhawm zia a sawi a. A chhunga cheng mihringte ringawt an chau lova, ramsa te, sava te, sangha te leh rannung dang zawng zawngte thlengin an tuar vek zel a. Heng te hi kan chung pikna tarlangtu chiang tak chu a ni. Heng zawng zawng laka kan dam leh theih nan Hosea hian “Hawh u Lalpa hnenah I kir le hang u”, a tih ang hain inchhir a kan sim a, Amah duh tak takna nen kan kir leh a ngai a ni. Lalpa hnen atanga malsawm dawn duh vang ringawt ni lovin thinlung tak tak kan pek a ngaih thu a sawi a. Kan damna turin Lalpa chauh hi a tangkai a ni. Fapa tlanbo thuah pawh hian chiang takin Pa thatna leh thinlung taka a hnena kan kir leh chuan engtiklai pawhin min Io lawmin, min lo la pawm duh reng thin tih chiang takin kan hmu a ni.

              Maj.Chhuanliana, Salem Bialtu C.O-in Hla No.521 “Isua hmangaihna leh thatna” thlangin zaihona neih a nih  hnuah Malsawm Tawngtainain huntawp a siam a ni.