SAY SUNDAY 23.06.2024
SAY SUNDAY
Reported by Documentation Board
Thianghlimna Inkhawm
Tv. H.Lalhriatrenga, Executive Council Member-in inkhawm a kaihruai a. Thuhriltu 11:9-10 ( Thalaite hnena thurawn ) chhiarin tawngtaina leh hla thlanna neiin inkhawm tan a ni.
Pu. RC Daniela-a, CSM-in puan tur tul leh thawhlawm lakkhawmna hun a hmang a ni.
Nl. Catherine Lalhruaizeli, Executive Council Member-in SAY thiltumte sawi rualna hun a kaihruai a ni.
Nl. Lalnuntluangi, SAY Secretary hnen atangin kum 2024 SAY Report te ngaihthlak a niin SAY Member zinga HSLC leh HSSLC Pass tharte : Thangmalsawma, Ruth. C.lalnuntlunangi, Christopher Lalrinkima te hnenah lawmpuina Certificate hlanna hun neih a ni a, Maj. C.Vanlalsiami'n Certificate hlanna hun a hmang a ni.
SAY Songters-te'n Hla No.239 na "Thlarauva tlawm taka tawngtaiin", tih leh Hla No.452 "Ral do tura inpe te chu an chhuak ta'', tih hla ropui taka sain Pathian fakna hun an hmang a ni.
Tv. C.Lalnunsanga, Executive Council Member-in 'Thianghlimna' tih thupui hmangin Pathian thu minhrilh a. Bible chang I Korinth 6:19&20, Phillipi 1:27 leh I Petera 1: 15&16 chhiarin Thianghlina hi ringtuten Pathian kan anna a nih avangin kan thupui hle tur a ni. Thianghlimna chungchang hi chihnihah thenin a hmasa zawkah chuan 'Taksa thianghlimna' hi a ni a. Kan taksa tana tha lo leh tichhe thei zuk leh hmuam mai bakah zu leh drugs lakah thalaite fimkhur turin min chah a. Hemi bakah hian Sex Education hi mahni inchhungkhurah pawh uar taka kan inzirtir a tul hle a ni. pahnihnaah chuan 'Rilru thianghlina' tih thupuiah hmang lehin, ringtute hi a huhoa awm khawm thin leh awm ho thin kan nih avangin kan thusawi kawngah leh kan sawi duh zawngah te kan fimkhur a ngai em em a. Midang chungchang sawi thin kan nih chuan kan rilru a hrisel lo a ni tih hriain kan mimal nun mai bakah mahni a kan awm lai pawhin kan ngaihtuahna leh kan thil tih thin te hi Pathian duh dan a ni em tih kan inenlet theuh a pawimawh a. Tisa leh thlarau, rilru lamah thianghlimna neih tum ila, thianghlimna hmangin midangte hnenah thunung i sawi ang u. Kan awmdan , kan nun dan, kan thianghlimna leh chanchintha hi in mawi zel sela, Lalpa tan mi hlang ni i tum ang u.
Hruaituin hla No. 179 'Lal Isua hming i fak ang u', tih hla thlangin Pathian fakna hun neih a nih hnuah inkhawm tih tawp a ni.
Chhandamna Inkhawm
Tv. Lalremruatdika, Executive Council Member-in inkhawm a kaihruai a.Bible chang, Thufingte 24:11 "Thi tura hruaite chu chhanchhuak la, Thah mai turte chu chhanchhuak thuai rawh" tih chhiarin hla sak ho a nih hnuah inkhawm tan a ni.
Vaivakawn Corps Band te'n "Suite, Learn, Love and Live" tih hla mawi takin an rawn rem a ni.
Nl.S.Vanlalawmpuii, Treasurer hnen atangin SAY Sunday kan hman tak a chanvo nei tute hun leh tha seng a Programme an tih hlawhtlinnaah lawmthu sawiin, SAY thiltumte hlawhtlin theihnan a hma latu zawng zawng te chungah lawmthu a sawi a. Nu leh Pa te'n harsatna tawk lova kan Activities neih thinah te phal taka min tel tir thin avangin leh tawiawmna kan dawn thin avangin lawmthu a sawi bawk a ni.
SAY thiltum pasarihte hmangin Skit hmuhnawm tak en ho a ni.
Nl.Laltlanthinghlimi Sailo, Evangelism i/c-in, 'Chhandamna Mitin Tan' tih thupui hmangin Pathian thu min hrilh a. Pathianin chhandamna hi Eve leh Adama atanga Baptistu Johana lo kal leh hun atang tawh khan kawng hrang hrangin Chhandamna kawng min kawhhmuh a. Chhandamna hi Pathian hian thu te leh dan hmang tein a mite a kaihhruai thin a, mihuaisen leh mifingte mai bakah amah ringtute thlengin Pathian hin a hmang thin a. Chhandamna kawng min pek zawng zawng zinga ropui ber chu Lal Isua min tlanna hi a ni.
Hruaituin hla No. 409 'Nangma thil ropuite an sawi', tih hla thlangin Pathian fakna hun neih a nih hnuah inkhawm tih tawp a ni.
Comments
Post a Comment