FATHER’S DAY 2024

 

FATHER’S DAY 2024

Reported by Documentation Board

 

                Maj.Vanlalsiami, Commanding Officer in inkhawm kaihhruaiin Bible chang chhiara tawngtawna hun hmangin inkhawna a hun awm tur te a hlan a.

                Pu R.C Daniela, CSM in puantur tul leh thawhlawm lakkhawmna hun a hmang a.

                SAY Songters ten “Min kai ang che” tih hla hmangin Pathian fakna hla mawi tak leh nung tak an rem a ni.

                Lt.Col.Lalramliana, Personnel Secretary in thusawina hun leh hriatpuina tawi sawina hun a nei a, an rawngbawlna chanchin leh an mawhphurhna te bakah Bible chang Hla thankhawmte 4:16 chhiarin Thlarau thianghlima khat te chu eng thil mahin  a tih hnual ngai loh thute a sawi.

                Y.P Corps atangin Nl.Esther Lunmuankimin hla mawi ta rawn sa a, a hla thu in mi a khawih hle a ni.

                Father’s Day puala SAY ten Literature i/c kaihhruaina Article leh Poem inziahsiak an buatsaih lawman semna hun hmangin, Corps member mi 20 lai maiin an thu ziah te an rawn theh luh avangin lawmthu an sawi a. He Article leh Poem inziahsiak hi Tv.C.Lalnunsangan a endik a ni.

Kum 18 hnuailam Poem inziahsiaka lawman la tute te chu:

1^st Loisy Lalfakzuali

2^nd Lalchawisanga Khuptawng

3^rd Venus Lalramtluangi

Conslation Prize mi 10 in an la bawk.

Kum 18 chhunglam Article inziahsiaka lawman la tute chu :

1^st Nl.Jenny Lalruatkimi

2^nd Pi R.Lalrintluangi

3^rd Pu Thanghmingliana

Consolation Prize mi in an dawng bawk a ni.

                Nl.Jenny Lalruatkimi hnen atang Pa te hlutan thu tha tak leh ngaihnawm tak ngaihthlak a ni a, a thusawi in mi a hnehin Pa te mawhphurhna leh an pawimawhna te chiang takin a rawn tarlang a ni.

                Lt.Col.Lalhriatpuii, THLS hnen atang I Korinth 11:3 “Amaherawhchu, mipa tawh phawt lu chu Krista a ni, hmeichhe lu chu mipa a ni, Krista lu chu Pathian a ni tih in hriat ka duh a ni”, tih thu hmangin thusawi tha tak ngaihthlak a ni. Pa awmlohna inchhung chu a ruakin a kimlo thin a, a khawhar thlakin  an hmun ruak hi a zau thin hle a. Pa te hlutna leh zahawmna hriat loh hi a pawiin tlinglo in fellohna tam tak pawh nei thin mahse min hringtute an nihna zawnah hian kan dah pawimawhin an thusawi te kan ngaihhlu thiam tur a ni. Pa te thuawi hi malsawm dawnna kailawn pawimawh tak pakhat niin, chhungkua ah pawh chanvo lian tak an nei a chhungkaw hlimna hi nu kutah chauh ni lovin pa te kutah pawh hian a in nghat nasa hle a. Bible ah hian pa te hi an chhungkaw banpui leh innghahna an nih zia Joba chanchinah te leh midang dang chanchin atang te pawh khan kan hmu chiang hle a, Bible hianin Pa dinhmun a dah sangin mihring a siam hmasak ber pawh mipa a ni tih kan hmu a thil engkimah chungnung zawkah a dah bawk a. Pa -in Krista a neih a, a lungpui Krista a nih chuan chhungkaw tan malsawmna a ni lo thei lova, kan nupui fanau te Pathian hnen hruai thleng thei turin khawvela pa zawng zawng te hi Krista chu luah nei turin min fuih a ni.

                Lucky Father thlanna hun neih a ni a, Pi.H.Lalawmpuii, HLS in a vannei ber thlanna leh lawman Trophy mawi tak semna hunh a hmang a. Mi vannei pathum te chu:

1^st Pu Malsawmdawngzela

2^nd Pu R.Lalhuliana

3^rd Pu Isak Zonunmawia

             Hemi zawh hian Home League ten Father’s Day pualin pa te zawng zawng muza an sem a ni.

 Col.Rualkhumin malsawm tawngtaina neiin inkhawm min tin a ni.