FEED THE NEED, CENTRAL NORTH DIVISION
FEED THE NEED
Central North Division Street Mission Cell
Reported by C Lalengliana SMC
Date 29.05.2024(Wed) zanah Pathian khawngaihna leh awmpuina zarah Feed The Need chu a zan 14-na atan kan lo zo leh ta. Min hruaitu kan Pathian hming chu fakin awm rawh se.
Zanin hian Vaivakawn Corps SAY te nen hun hman a ni. Vaivakawn Corps SAY Member 25 rawn thawk chhuak in an inpekna chu fakawm kan ti hle a ni. Arsa sawhchiar tuitak bakah Thingpui an lo buatsaihna ah lawmthu kan sawi a. A let tam takin Pathian in malsawm mawlh rawh se.
Bawngkawn Traffic point hmasa zawkah hun hman niin mi 40 atanga 50 bawr vel hnenah eitur sem niin counseling leh tawngtaisakna te neih bawk a ni. Pathian faka zai a nuam in kan hnenah Thlarau Thianghlim a rawn cheng a ni tih hriatna kha a nuam em em a ni. Theih tawp a kan Aw rawl tawp tawp a amah min siamtu kan Pathian in khang kan rawngbawlna beitham takte kha mal min sawm ngei ang tih hi kan beisei tlat a ni.
Division SAY council member te leh TSMB(Territorial Street Mission Board) ten zanin hian min rawn tawiawm leh a, an chungah lawmthu kan sawi mawlh mawlh a ni.
Kan hun hman atang khan Division chhung a SAY member ten ruihhlo in a tihbuai kan thalaipui tamtak te tan vawi khat tal tawngtaina lo nei ve turin kan in sawm in kan in ngen a ni.
Street Mission Cell hnuaiah hian nupa tuak khat leh Tlangval pakhat chu enkawlna pek mek an ni. Hei hi Central North Division SAY member tin te kan rawngbawlna a ni tih hria in an tan bang lova lo tawngtai thin turin kan in ngen bawk a ni. Tin he rawngbawlna a tui kan lo awm chuan mahni corps SAY council a lo thlen tur pawh in kan in hriattir a ni. Street Mission rawngbawlna a tui kan awm chuan mahni Corps SAY council te remtihna in a inpek reng theih a ni tih kan in hriattir bawk a ni.
Kham lo takin zanlai Dar 12 ah Division SAY Asst.Leader Tv Lalrochhuanga chuan Pathian hnen a in kawl tir in kan hun te min trin a ni.
Lalpa'n malsawm vek che u rawh se.
Comments
Post a Comment