MOTHER'S DAY CHHANDAMNA INKHAWM Dt.12.05.2024

                                                                                                         - Reported By Documentation Board

CHHANDAMNA INKHAWM

         Pi Lalremsiami, HLVS in inkhawm kaihruaiin Bible chang, Sam No.101 chhiara tawngtaina hun a hman zawh hnuah Hla No.164-na "Aw Lalpa, chungnung ber, kan fak hle a che!" tih hla thlangin inkhawm tan a ni.

        Pu R.C Daniela, CSM in puantur tulte puangin, thawhlawm lakkhawmna leh hlanna hun a hmanga ni.

        Pi Vanlalhruaii, Pi H.Lalawmpuii leh Pi H.Lalhliappuii te hnen atangin hriatpuina nung tak ngaihthlak a ni a. Thianghlimna Inkhawma Y.P leh SAY te Items tha tak tak avangin lawmthu an sawi a, "Ka nu tawngtai sakna zarah ramnuamah ka leng ve ang" tih hla naupang leh thalaite sak chuan Nute tawngtaina ropui zia leh a lo pawimawh zia te a tarlan bakah faten Nute tawngtaina an lo rin zia te an rawn sawi chhuak bawk a ni.

        Pi C.Zosangzuali hnen atangin Special Items, "Dilna hlawhtlintirtu Lalpa" tih hla hmangin Action Song hmuhnawm tak thlir ho a ni.

        Pu R.Lalhuliana, Recruiting Sergeant hnen atangin Short Speech ngaihthlak a ni a. Nute ni lo thlengah hian Nu zawng zawngte chibai bukin, mithiam ten Nute chanchin an sawi hrang hrang te hmangin Nute hlutna leh pawimawhna a rawn tarlang a. Nu nihna chanvo hi thil ropui tak a nih zia leh Nu hmangaihna ropui zia a sawi a ni.

        Pu Lalrammawia, CS in Bible chang Thufingte 31:10-31 chhiarin "Nupui fel" tih thu hmangin Nupui ten pasal te an cheibawl dan leh an enkawl danah hian Nupui fel chu an hriat thu hmangin thusawi hawnna a nei a. A thusawi tan hmain Esther Lunmuankimi hnen atangin "Ka thlarau a chawm leh thin" tih hla mawi taka a sak ngaihtlak a ni.

        Pu Lalrammawia, CS chuan thusawi chhunzawm lehin "Nu pawimawhna leh an hlutna" tih hmangin thusawi a, hnamdangin Nute an hlutzia te sawiin Mizo-te erawh chuan kan tawngkamah leh kan chezia-ah te hmeichhiate hi kan dah hniam fo thin zia leh Nute hlutna chang kan hrechiang tawk lo hle thin a. Hnamdangte kan tluk loh zia a lang leh thin a ni. Nu te ni hi 10th May 1908 atang khan West Virginia lamah chuan an lo hman tan daih tawh a. Khawvel hriata mifing leh mi ropui tak tak te tawngkamah pawh Nute hlutna hi kan hre thei a, Nu te hi an lo ngaihluin an lo ngai ropui em em a thin a ni. 

        Nute lakah hian ba kan ngahin hmangaih dan kawng kan thiam deuh deuh a pawimawh hle a. Chhungkaw hlimna leh muanna zawng zawng hi nuber ta niin, 'Nu' tih thumal ringawtah hian hlimna tam tak a in phumru a ni. Khawvel mifing leh ropuiten Nu hlutna an sawi zawng zawng hi ziah chhuah, sawisen a ni lova. Kan nute hi hmangaih thar zel ila an tan engkim kan huam ve bawk ila, tawngkam tha leh malsawmna nen kan nute hi thlamuang taka awmtir ve tum ila, hmangaihna tam zawk nen nute hi kan enkawl a tul hle a ni tiin mipuite min chah a ni.

        Maj.Vanlalsiami, CO-in hla thlangin malsawm tawngtainain inkhawm min tin a.

 "Chatuan nunna inneih hi Nuten kan duhsak ber che u chu a ni", tiin thalai leh naupangte min chah a ni.