SAY Vaivakawn Corps Sports Week 2024

                                                                                                    -Reported by Documentation Board

 Sports Week Opening

Sports Opening Date 01.04.2024 (Monday) zanah Vaivakawn Corps SAY Sports Week 2024 Opening hun chu hman a ni a. Hemi hunah hian Nl. S.Vanlalawmpuii Treasure-in inkhawm kaihruaiin, Bible chhiara tawngtaina hun hmangin Sports Week tan a ni. 

 Music i/c kaihhruainain Maj. Dokhuma Brigade leh Lt. Col. Lalramliana Bigade-te’n Zaipawl hmanga intihsiakna an nei a. Pu. Lalrinawma Music i/c chu endiktu niin Brigade pahnihte’n intihsiakna an neih zawhah Comment-te pein, Brigade pahnihten zaipawl tha tak an rawn neih theih avangp leh Member-te inpekna avangin lawmthu a sawi bawk a ni. 

 Nl. PC.Lalchhanchhuahi Literature i/c kaihruainain Brigade pahnihte’n Quiz hmanga inelna neih chhunawm lehnghal niin, Salvation Amy GK, Abbreviation, Vaivakawn Corps GK, Audio Round te hmanga inelna neih a ni a. Member-te’n kan hlawkpuiin, hun hlimawm tak kan hmang a ni. 

 Nl. Christina Laldintluangi Drama & Creative Arts i/c hnuaia Brigade inelna atan hian Thufingte 3:5-6 hmanga Short Film/Movie siam chu Premiere-na hun neih a ni a. Maj. Dokhuma Brigade te hian ‘SIAMTHARNA’ tih thupui hmangin Short Film/Movie hmuhnawm tak an buatsaih a. Lt. Col. Lalramliana Brigade te hian ‘LEHKHA THEM’ tih thupui hmangin Short Film/Movie an rawn buatsaih bawk a ni. Brigade pahnihte Short Film/Movie hi thlirho a ni a, Brigade hruaitute hnen atangin an hmalaknate ngaihthlak a ni bawk a ni. 

 Dr. Richard CLR Hluna SAY Leader-in hla thlangin banna hun a siam a, inkhawm tihtawp a ni. SAY bultumin Refreshment tui tak eiho a ni. 

 Indoor Sports 

 Date 02.04.2024 (Tuesday) zanah Aizawl West Joint YMA Volley Court-ah Sports Week denchhenin Indoor Sports neih a ni a. Hemi hunah hian Tv. R.Lalmuanpuia Sports i/c in hunte kaihruaiin Dr. Richard CLR Hluna Leader-in tawngtainaa hlanin Sports tan a ni. 

 Member inchhiarna leh inbukna hun neih a nih hnuah Spoon Race hmangin Brigade inelna neih a ni.

 Brigade pahnih atangin Volley Ball mipa team A leh Team B te’n inelna thianghlim leh mittitlai tak an nei a. An zawh veleh hian hmeichhe Team ten Volly Ball hmuhnawm tak nei velehin kan hlim dar dar hle a. Kan hmeichhiate pawh an lo duai lo hle mai ! Brigade pahnihten ‘Sakuhuiluh’ hmanga inelna neih a ni a. Member-te kan tangin hun nuam tak kan hmang a ni. 

Brigade pahnihten ‘Sakuhuiluh’ hmanga inelna neih a ni a. Member-te kan tangin hun nuam tak kan hmang a ni.

 Hemi zawhah hian Brigade pahnihte atangin Member 5 ve ve inthlangchhuakin ‘In Do rei siak’ hmanga inelna hun hman a ni a, Member-ten kan hlimpuiin nuam kan ti hle a ni. 

 Items hnuhnung ber atan Member inchhiarna neih a nih hnuah Tv. Ramnghinglova Sports OB i/c in tawngtaina neiin hun tawpna a siam a ni. 

 Outdoor Sports 

 Date 06.04.2024 (Saturday) nilengin Zonunpar Resort, Luangmual-ah Outdoor Sports neih leh a ni. Tv. R.Lalmuanpuia Sports i/c in tawngtaina a hman hnuah Outdoor Sports hi Member inchhiarna leh inbukna hmanga tan a ni. 

 Blow Balloon hmangin Brigade pahnihten inelna neih a ni a, Member-ten kan hlimpuiin nuam kan ti hle. 

 Brigade pahnih atangin mipa team hnih ve ve leh hmeichhe Team khat ve ve ten Futsal hmangin inelna an nei leh a. Game a tangin, an inkhel pawh a hmuhnawm hle a. Khawlum hnuaiah pawh Brigade pahnihten chak ngei tumin theihtawp an chhuah a ni. 

 Goal ban inpetfuhsiakna hmangin inelna chhunzawm leh a ni a. Member tam tak Football thiam zawk te pawhin an pet fuh theih loh laiin Dr. Richard CLR Hluna leh Tv. R.Lalawmpuia ten vanneihthlak takin Goal ban an pet fuh hlauh mai a, Member-ten kan hlimpuiin nuam kan ti em em a ni.  

  

 Chawchhun eihona neih a ni a, Member-te kan puarin kan tlai hle a ni. 

 Hemi zawh hian mipa hoin Swimming Pool-ah Water Rugby khelhna hun hmanga intihhlimna hun neih leh a ni a, Brigade inel lovin tui chhungah infiamna hlimawm tak neih a ni. Tui chen zir pawlte awmin, hmeichhe thenkhat chuan thlalaknan hun an lo hmang ve thung a. Member kal ten nuam kan ti hle a ni. 

 Member inchhiarna hun hman a nih hnuah Outdoor Sports hun tih tawp a ni. 

 Special Night & Sports Week Closing 

 Date 08.04.2024 (Monday) SAY Meeting zanah Special Night & Sports Closing hun hman a ni. Nl. Lalnuntluangi Secretary-in Special Night & Sports Closing hun hi a kaihruai a, Bible chhiarna leh tawngtaina hun hmangin inkhawm tan a ni. 

 Tv. Ramnghinglova Asst. Secretary hnen atangin thawhlawm lakkhawmna hun leh puan tur tulte puanna hun ngaihthlak a ni. 

 Brigade Beat Contest neih niin Common Song atan ‘Aw van Sipai rualte u’ tih leh Brigade hla thlan hmangin Brigade pahnih te an intihsiak a.Song Arrangement hi anmahni duh dan anga ti an nih angin an thiam dunin, an inpuahchahna pawh a tha tih a hriat hle a ni. Mit leh beng a tlaiin Member-te pawhin nuam kan ti hle. 

Pu Lalrinawma Music i/c chu endiktu tura ruat a nih angin Brigade pahnihte inpekna chu a hlu a tiin an thiam a ti hle a. Nakin zela hman tlak leh chhawr chhunzawm tlak an nih thu a sawi bawk a ni. 

 Intihsiakna kar lakah hian Bible Pictionary hmanga intihhlimna hun tawite Nl. Lalnuntluangi Secy. bultumin neih thin a ni a, Member-ten kan hlimpui thei hle a ni. 

 Nl. PC Lalchhanchhuahi Liteature i/c in Sports Week puala Hla inphuah/ziahsiaka lawmman semna hun a hmang a ni. He intihsiaknaah hian Tv. Lalremruatdika chu pakhatna niin Nl. Lalmawizuali chu pahnihna a ni bawk a ni. 

 Quiz Competition neihah Maj. Dokhuma Brigade te chu chak zawk an ni a. He Quiz Competition-a chhang hnem te chu :

1. Tv. C.Lalnunsanga , 

2. Pu. Lalfakzuala leh 

3. Tv. R.Lalawmpuia te an ni. 

 Tv.Ramnghinglova Sports OB i/c in Sports Week neih zawh taka Sports Items hrang hranga Result puanna hun neiin, kumin Sports Week ah hian Lt Col. Lalramliana Brigade chuan Points 80 hmuin, Maj. Dokhuma Brigade chuan Points 81 an hmu a. Maj. Dokhuma Brigade te chu chak zawk a puan an ni. 

 Tv. H.Lalhriatrenga Drama & Creative Arts Asst. i/c in Brigade Short Film/Movie siam intihsiakna Result puanna hun a nei a. Mimala lawmman dawngtu te chu : 

 Best Actor – Tv. Lalchhanhima 

 2nd Best Actor – Nl. PC Lalrinpuii 

 Best Script Writer – Pu. VL Hriatpuia Sailo

Best Short Film/Movie-ah hian ‘LEHKHA THEM’ chu thlan a ni a. Endiktu tura kan ruat TV. Zoramchuana, Ramthar North Corps leh Tv. Lalmawizuala, Vaivakawn Corps te Comments pek ngaihthlak a ni bawk a ni. 

Pu. Lalfakzuala Asst. Leader-in fuihna leh lawmthu sawina hun a nei a. Member-te inpekna chu hlu a tiin thil tihna reng rengah rintlak nih a pawimawhnate leh Member-te kan inpumkhat a pawimawhzia a sawi a, Kohhran bel tlat turin Member-te min chahin, 2024 Vaivakawn Corps SAY Sports Week chu khar a ni. 

 OB-te leh i/c te’n Refreshment tuihnai tak min hlui a ni.