CORPS CADET SUNDAY

Reported by Documentation Board

        Nl.Rosalyn C.Vanlalruati, CCG-in inkhawm kaihruaiin Corps Cadet-te innghahna Bible chang Sam 119:9 chhiara tawngtaina neiin Hla No.188 "Aw van thlarau thianghlim lo leng ang che " tih hla thlangin inkhawm tan a ni. 

         CSM in puantur tul te a puanna hun leh thawhlawm lakkhawmna hun te a nei a ni.

        Hriatpuina sawina hun hawn a ni a, hriatpuina sawi tha tak tak ngaihthlak niin Pi H.Lalawmpuii, HLS in Corps Cadet nih a hlawkpuina te rawn sawiin, a zir hun chhung khan hlawkna nasa tak a neih thu te a sawi a. Bible chang Thufingte 16:17 chhiarin sual kalsan that zia te, Lalpa kan thlan tlat chuan kan kawng a tluan zel tur thute sawiin; fuihna thu tha tak a sawi a. Corps Cadet Sunday pualin Corps Cadet te'n a tul ang a an hman turin Rs.2000/- Corps Cadet Guardian hnenah a hlan bawk a ni.

        Corps Cadet-t'en an thutiam sawirualna hun neiin C.C H.Lalramnunsangi'n a kaihruaia. Hemi zawh hian Mission Statement sawi rualna hun nei leh in C.C David Malsawmtluanga'n a kaihruai leh bawk a ni.

        Corps Cadet Beat Group-te hnen atangin "Lal Isua kan thiantha ber" tih hla mawi taka an rem ngaihtlak a ni.

        C.C Lalrempuiin Corps Cadet nih ka hlawkpuina Point thum tha tak tak a rawn sawi a, Corps Cadet a nih hian kawng tam takin a nunah hmasawna a siam thu a rawn sawi bawk a ni.

        Nl.Lalhmangaihzuali, CCS in Corps Cadet Report pekna hun a hmang a. Corps Cadet hi mi 19 niin Higher Grade 8 leh Lower Grade 11 an awm mek a ni. Tun kum chhunga Action Plan leh Budget te a rawn tarlang bawk a ni.

        Maj.R.Lalringngheta, Commanding Officer-in Bible chang II Timothea 2:22 leh Hebrai 4:12 te hmangin thusawina hun a nei a. Kan taksa hi Pathianin Ama anpuia a siam a ni a chuvang chuan kan vawn thianghlima, a chhenna tlaka kan siam a tul zia Bible bung hrang hrangah hian a sawi nasa em em a ni. Taimakna hi Pathian thu a ni a, A rawngbawl tur atan pawh hian mitaima tak tak te hi a duhin a thlang zawk fo thin a ni. Hemi chuchang hi Isuan a ziritir 12 te a thlan dan atang pawh hian a chiang em em a ni. Nu leh pa te thusawi hi malsawm dawnna a ni a. Kan lei Pathian hmuh theih te an nih avangin an thu kan awihin kan tih tur pawimawh tak a nih thu a sawi bawk a. Sawma pakhat pek a tul zia sawiin kan tih ngei ngei tur leh kan tih makmawh anih thu a sawi bawk a ni. A tawp berah chuan Rinawmna chungchang sawiin Pathian tana kan rinawmna hi kan mihring puiteah a lang chhuak tur a ni a. Josepha nun atang pawhin chiang takin kan hmu thei a, a rinawmna avanga Pathianin a chawimawina ang kha kan chhungah pawh a thleng ve thei vek a ni tih sawiin Corps Cadet zawng zawngte kan thiltih leh kan nunkawngah rinawm tlat turin min chah bawk a ni.  

       Corps Cadet-te tan inhlanna hun siamin zahngaihna dawhkan hmaah inhlannin Local Officer-te leh Guardians-te'n an lu chungah kut nghatin tawngtaisakna hun an nei a. Commanding Officer-in tawngtaisakna hun a hmang leh bawk a ni.

        Hruaituin hla thlangin Lalbiak tawngtaina sawiho a nih hnuah inkhawm tih tawp a ni.

Note- Corps Cadet Sunday pual hian Ni.20.04.2024(Saturday) nileng leh Tawngtai inkhawm thlengin Capt.Lalrinmawia hovin Spiritual Retreat hun tha tak hman a ni.