MISSION FIELD PROJECT - TLABUNG C.O BIAL

SAY Executive Council-in Kum 2023 Evangelism hnuaia Project Mission Field Tlabung C.O Bial tlawh tura ruahmanna a lo siam tawh bawhzuiin SAY Member mi 11  ten Ni.11.1.2024 - Ni. 14.1.2024 chhungin hun hman a ni.

          Vaivakawn Corps Biakin kawt aṭangin Ni.11.1.2024 zing dar 7:30 a.m ah Commanding Officer Maj. R. Lalringnghetan ṭawngṭaina hun hmangin min thlah liam a. Tachhipah zing thingpui ina chawlhin, Pu. Lalramsangan Mission Field kan tlawhna turah hian min rawn zawm ve a ni. Sialsukah tukṭhuan kan ei a, kan chawlh hahdam hnuah zinkawng kan chhunzawm leh a. Tlai dar 2:30 p.m ah Lunglei kan thleng a, thingpuite kan in zawhah Tlabung lam panin kan kal leh a, dar 9 p.m ah tluang takin Tlabung kan thleng a. Commanding Officer Quarter-ah zanriah kilin kan thlenin tur lam ṭheuh  kan pan leh a ni.  

          Ni.12.1.2024(Friday) zing dar 8:30 a.m ah Lamthai II lamah Free Clinic nei turin lawng hmangin darkar khat kan kal a. Member ten lawng chuan nuam kan tiin kan hlimpui hle a ni. Salvation Army English Medium School Lamthai II ah Carol Service a kan sum hmuhchhuah aṭangin Rs.14,000/- a luanchhuahna neih a ni a. Free Clinic ah hian Dr. Richard CLR HLuna, SAY Leader-in mi 70 vel dam lo a en a, Member dang ten BP leh Sugar check-in damdawi te sem a ni a. Hemi ni a member mi 11 kal te hian a ṭul ang te buaipuiin mahni tawkah kan buai tlangin hun ṭha tak kan hmang a, kan  damdawi sem bangte leh BP check-na leh Sugar Test-na chu Evangelist Teacher hnenah ṭangkai tak leh a tul apianga an lo hman atan hlan a ni. Free Clinic kan neihnaa kan hun hmante nuam kan tiin kan hlawkpui tlang hle a ni. Tlabung pana kan let leh lamah hian Bangladesh-ah kan bazar nghal a,, tlai dar 4:30 p.m ah tluang takin Tlabung kan thleng leh a ni. Zan lamah Leader te thlenin, SMO Quarterah inhmuhkhawma, inkawmkhawmna hun nuam leh hlimawm  tak hman a ni bawk.

          Ni.13.1.2024(Saturday) hian Documentation Board Member ten Zodin Society tlawhin an hmunhma te zir chianna hun an hmang a. Local Officer ten an Biakin tur sa a hnatlanna hun te an lo nei a, an mamawh te leh an hmalak dan te sawihona hun an hmang a ni. Tlai lamah zanriah tuihnai tak Leader-in member te min hlui a, kan puarin kan tlai hle a ni. Ṭawngṭai inkhawmah kan zavaia inkhawmin an hun hman dan te tha kan ti hle a, an inkhawm dan chu dangdai kan tiin rei lo kan ti hle a ni. Inkhawm ban hian Commanding Officer Quarter-ah Local Officer te nen thingpui inhona hun hman a ni a. Hemi zawh hian Tlabung khaw chhung fan kualna hun neih niin Mizorama kan hmun neih hmasa te: Missionery Kai, Post Office hmasa ber, Police Station hmasa ber leh Leprosy Hospital (Phar enkawlna awmchhun leh hmasa ber) tlawhna hun hman a ni a, a hlawkthlak kan ti hle.

          Ni.14.1.2024(Sunday) Thianghlimna Inkhawm chu Tlabung Corps-ah hman a ni a. Hemi hunah hian Vaivakawn Corps SAY ten inkhawm kaihruaiin Nl.Lalnuntluangi, Secretary in inkhawm a hruai a, Tv.Lalremruatdika’n, “Min chhungkhat la” tih hla mawi taka sain Pathian fakna hun a hmang a ni. Tv.Ramnghinglova, Asst.Secretary in Project puala kan sum thawhkhawm Rs.30,000/- Tlabung C.O Bialin a ṭul anga an lo hman atan Commanding Officer te nupa hnenah hlanna hun a nei a. Kan Evangelism i/c kal chhuak ta Tv.Lalhmingsanga’n Johan 3: 16 – 17  hmangin thusawina hun ṭha tak a hmang a. Inkhawm banah hian Tlabung Corps ten thingpui leh a hmeh tui tak min lo hlui a ni.

          Leader te thlen inah innghakkhawmin Commanding Officer Capt. R. Lalmuansangin tawngtaina a min thlahin chawhnu dar 12:30 p.m ah Aizawl lam panin Tlabung kan chhuahsan a ni. Haw lamah hian Lungsen khaw thlen hmain SAY Leader-in kawnglakah hnamdang damlo a buaipui a, Lungsen khawdai thleng Scooty chhia an hnuk bawk a ni. Zan dar 6 p.m ah Lunglei thlengin, zanriah kan ei a,kan ei zawhah Aizawl lam kan pan leh a. Kawng lakah zunram thiar pahin  arsi enhona hun hman zeuh zeuh a ni a, harsatna leh buaina tawk lovin tluang takin zing dar 1:30 a.m ah Aizawl chu kan thleng a ni.

          . Dr. Richard CLR Hluna, Tv. Lalhmingsanga leh Tv. R. Lalawmpuia ten motor an rawn thawh chhuahpui a. Pu. R. Hranghnuna, Corps Visiting Sergeant leh SAY Senior Advisor-in Rs. 3000/-  a ṭula kan hman atan min pai bawk a; SAY te an chungah kan lawm hle a ni.