THE SALVATION CENTRAL NORTH DIVISION LEAGUE OF MERCY RALLY VAWI 4-NA 2023

Reported by Documentation Sub-Council

 TAWNGTAI INKHAWM

    Maj.Vanlalsiami, Comanding Officer Vaivakawn Corps in inkhawm kaihhruaiin, hun awm dan tur te puanna a rawn nei a. League Of  Mercy Rally Vawi 4-na chu tan a ni.

     Vaivakawn Corps ten Welcome Parade a League of Mercy Rally hawnna hun rawn neiin Shorts Skit LOM te hnathawh dan kalphung tilang thei tur te rawn tarlan a ni. Mizo te inthuam a rawn inthuamin Mizo lam te leh Timbrel Display hmuhnawm tak te an rawn entir a. Kum 2023 LOM Rally a palai lo kal zawng zawng te ropui taka lawmna hun a thlengtu Corps ten an nei a ni.

    Central North Division a LOM member awmna Corps ten Flag rawn luhpuiin Col.Lalhlimpuii, TPWM in Flag Bearer zawng zawng te chibai lo bukin Rally hawnna leh hlanna hun a hmang a ni.

    Pi.Lalremi Varte, LOMS Ramhlun Corps in Bible chang Kolosa 3:1-4 leh Sam 15:1&2 chhiar in tawngtaina hun a hmang a ni.

    Maj. Aichhungi Fanai, DDWM in LOM Rally Vawi 4-na a palai lo kal zawng zawng te din tirin lawmna hun a nei a, LOM dinchhan leh a thil tum te, he rawngbawlna kal tlang a mi tam takin hma sawna atana an lo hman phah thin thu te leh he rawngbawlna kaltlang hian vawiin a lo kal khawm te pawh hian nasa leh zuala tan kan lak theih thu te a sawi bawk ani.

Sairang Corps ten Pathian fak nan "Khawngaih rawngbawl hna" tih mawi takin an rawn rem a ni.

Bawngkawn Corps ten " Kan khualzin kawng" tih hla mawi takin an rawn rem a ni.

Pi.Thangzeli LOMT, Bazar Corps in thawhlawm  hlanna hun a rawn hmang a ni.

Tuidam Corps ten Pathian faka chawimawinan "Lalpa Phut" tih hla mawi takin an rawn rem bawk a.

    Aux.Capt.Lapanmawii, Comanding Officer Thuampui Corps in Bible chang chhiarin I Lalte 19:4 hmangin testimony tha tak a rawn sawi a ni.

    Zemabawk Corps ten an Conductor Pu Rodinglianan LOM te puala hla a phhuah mawi takin an rawn rem bawk a ni.

    Col.Lalhlimpuii, TPWM in Bible chang II Korinth 5:13-15 leh Philipi 2:3-4 te chhiarin Rally thupui "Midangte" tih hmangin thuchhah nung leh tha tak mai a rawn sawi a, William Booth an Salvation Army a lo din chhuah atang tawh khan midang te tana nung a; Pathian la hre ve lo te leh la nei ve lo ten kan khawngaih rawngbawlna kaltlang hian an lo nei ve thei a ni. Mitin te hian dam chhan kan la nei a, harsatna nei te pawh hian kan puihna an mawmawh thin hle a, kan velah hian thlarau bo tam tak man tur hi an tam a, hnathawh tur kan la ngah tak zet zet a ni. Chuvang chuan Pathian in keini LOM te hi a rawngbawlna hna thawk tur hian min ring tawk a, a hnenah hian mi tam tak kan hruai thei a ni tih hriain hei ai nasa hian kan theih chin chin a he Rally hmanga lo kal te hian tan la leh zual ang u ti a thu sawiin Bible chang Thufingte 22:9 chhiarin thusawi a ti tawp a ni.

    Maj.Vanlalsiami Comanding Officer Vaivakawn Corps in malsawm tawgtaina neiin inkhawm tih tawp a ni.

THIANGHLIMNA INKHAWM

    Capt.Laltanzuali, DCCO in inkhawm kaihhruaiin, Pi L.M Lalrutkimi LOMS, Aizawl Bethel Corps in Mathaia 25:34-40 leh Ephesi 2:10 te chhiarin tawngtaina hun a hmang a, Hla No.445 na thlangin Pathian faka zaihona hun tha tak hman a ni.

    Pu R.C Daniela, CSM Vaivakawn Corps in Corps chhunga puan tur tul te puanna hun a rawn hmang a, Maj.Zodintumi, C.O Bazar Bial, Rally Secretary in thu puanna hun a rawn hman chhunzawm ve leh a ni.

    Pi Chawikungi LOMS, Armed Veng South Corps in thilpek lakkhawm hlanna hun a rawn hmang a ni.

Ramhlun Corps ten "Midang tana malsawmna" tih hla mawi takin an rawn sa a ni.

Dinthar Corps ten an Corps Secretary hla phuah " LOM" tih hla mawi takin an rawn sa a ni. 

"LOM te an pawimawh" tih thu hmangin Testimony nung tak ngaihthlak a ni.

    Chanmari West Corps ten "Dam chhung nite a rei si lo" tih hla hmangin Pathian fak hla mawi takin an rawn hlan a ni.

    Central North Division Women Singers ten Pathian fak nan "Lalpa Pathian engkim ti thei" tih hla mawi takin an rawn hlan bawk a ni.

    Maj.Aichhungi Fanai, DDWM in Bible chang Marka 9:41 leh I Timothy 4:6-11 chhiarin LOM te hi midang te tanpui a, sum leh pai petu ngawt ni lova an thlarau nun thleng pawh a enkawla puitu tur kan ni a, an thlarau chhandamna hi kan thupui ber tur leh kan tih mak mawh kan ko a innghat tlat a nih avangin Thlarau chhandamna thlen tel zel turin min chah a ni.

    Maj.Ramhuzauvi, WDO in hla thlangin malsawm tawngtaina in Thianghlimna inkhawm hun chu a ti tawp a ni.

FAKNA INKHAWM

    Maj.Varthantluangi, Comanding Officer, Chaltlang Bialtu in inkhawm kaihhruai in, Pi.Lianmawii LOMS, Zemabawk Corps in Bible chang Thufingte 19:17  chhiarin tawngtaiin inkhawm tan a ni.

Pi.Vanlaldiki LOMS, Durtlang Corps in thilpek lakkhawm na hun leh hlanna hun a hmang a ni.

Khuangi Brigade, Aizawl Bethel Corps ten "Midang tana malsawmna" tih hla mawi takin an rawn rem a ni.

Vaivakawn Corps ten "Samari mitha" tih hla Pathian fak nan an rawn sa a ni.

P.C Lalremruati, Aizawl Bazar Corps in Pathian fak leh chawimawi nan "Lalpa a tha" tih hla a rawn sa a ni.

Tuikual Corps ten "Chawimawi ru" tih hmangin hla mawi tak an rawn sa bawk a ni.

    Durtlang Corps ten Skit hmuhnawm tak leh benglut tak mai rawn changin LOM rawngbawlna in rah tha a chhuah dan an rawn entir a ni.

    Lt.Col.Lalchhuanmawii TLOMS in Bible chang Matthaia 25:4, Luka 14:23 leh Sam 42:1 te chhiarin chhung lam rawngbawlna chauh ngaipawimawh lovin tun aia huam zau zawk a hna kan thawh theih nan leh kan rawngbawlna te hian mitin te hnen a thlen theih nan tan kan lak a pawimawh zia a sawi a ni.

    Rally palai lo kal Kum 70 chin leh nau pua lo kal te lawman pekna hun Maj.H.Lalbiaksangi, C.O Salem CO BIal, Rally Secretary in hlanna hun a kaihhruai a. Kum 70 chin mi 59 leh nau pua mi 6 te pek an ni.

    Comanding Officer Sairang Corps in hla te thlangin malsawm tawngtaina in Fakna inkhawm chu tih tawp a ni.

CHHANDAMNA INKHAWM

    Capt.Vanlalruati  Dinthar C.O bial vawngtuin inkhawm kaihhruaiin, Pi Lalremthangi LOMS, Tuidam Corps in Bible chang Ephesi 6:10-18 chhiara tawngtaina hun a hmang a ni.

Pi.Lalrinsangi LOMS, Bawngkawn Corps in thilpek lakkhawmna leh hlanna hun a hmang a ni.

Salem Corps ten LOM te tana an hla phuah mawi takin an rawn sa a ni.

Ramhlun Corps Group zaiten "Ka tlantu" tih hla hmangin Pathian fak hla an rawn hlan a ni.

Vaivakawn Corps ten Timbrel Display hmuhnawm tak min entir a ni.

    Maj.Zodintumi, Rally Secretary in lawmthu sawina hun neiin Rally Report a rawn pe a. Rally palai zawng zawng  580, Rally collection zawng zawng Rs.45,970/- a ni.

    Vanlalduati, Durtlang North Corps hnen atangin "A hmelmawi min hmuhtirtu" tih hla mawi taka sak kan ngaithla a ni.

    Maj.K.Lalbiaktluanga DC in Bible chang Matthaia 25:37-40 leh 5:7 te chhiarin Pathian thu kan ngaithla a. Kan thiltha tih te hi midang ten an tangkaipui em tih hi kan in enfiah a ngai a. Kan rawngbawlna ah hian Pathian tan kan theih tawp chhuah tura min chahin a bak zawngah chuan Pathianin hna a rawn thawh tur thu min hrilh a ni. 

    Maj.S.T Dula'n zahngaihna dawhkan hawngin nakin a kan thlen khawmna tur hmun thlir chung zela inhlan thar turin Rally palai zawng zawngte a chah a ni. 

Maj.Laichhingi, Chaltlang Corps in hla te thlangin malsawm tawngtaina nen LOM Rally Vawi 4-na chu a khar a ni.