THE SALVATION ARMY: CENTRAL NORTH DIVISION YP RALLY GROUP-7NA

                                                  Vaivakawn C.O Bial & Hermon C.O Bial

Reported by Documentation Sub-Council

    Nl.R.Lalmuanpuii, YPSM Kanan Corps in inkhawm kaihhruai in Bible chang Hebrai 12:1-4 chhiar in tawngtaina a hlanin inkhawm tan a ni. Inkhawm boruak a nuam in lam tual khatin Naupang  te leh zirtir tute an lam a, Pathian fakna hun tha tak hman a ni. 

                                    

Maj R.Lalringngeta Vaivakawn Bial tu C.O leh Convener ni bawk in Sam 119:10 leh Petera-I 1:15 chhiar in Rally hawnna hun a hmang a, palai lo kal zawng zawng te lawmna hun a hmang nghal bawk a ni.

    Rally Secretary in Programme awm dan tur te, kan hun neih dan tur te leh puan tur tul dang te puang in Vaivakawn C.O Bial te leh Hermon C.O Bial te atanga palai rawn kal zawng zawng te chungah lawmthu sawiin, a thleng tu Corps te chhungah pawh engkima an lo buaipuina ah pawh lawmthu a sawi a ni. Chawhma Inkhawm Report pe in Rally a kal zawng zawng Y.P, Company Guard leh chhimtu te mi 426 an nih thu a Report a ni.  

                                            

    Pu Lalrammawia ,Chief Judge hnen atang Thu leh Hla intihsiak an endik dan tur kalhmang te points an pek dan tur te ngaihthlak a ni.

 Hemi zawh hian Vaivakawn Corps YP ten Custom Parade neiin hmanlai atanga tun hun thlenga Mizo te inthuam dan leh Salvation Army te inthuam dan chi hrang hrang rawn entir in cheraw mawi takin an rawn kan bawk a, hei hian Mizo ten a rimawi chi hrang hrang kan neih te hi Pathian chawimawinan a kan hman thiam a pawimawh zia a ti lang chiang hle a ni.

Veronica Lalduhawmi hnen atang "Dotute kohna ri chu ngai teh u" tih hla mawi taka a sak ngaihthlak bawk a ni.

    Maj K.Zaliana C.O Hermon Bial tu in intihsiakna kaihhruai in Corps pasarih te an intihsiak dawt dan tur Corps tina YPSM te pawh tir in Beginners leh Primary Department ten "Directory Bung-1 Pathian" tih hmangin intihsiakna an tan a ni. Junior Department ho in "Salvation Army Doctrine" hmangin intihsiakna nei leh in a tawp berah Inter leh Senior Department te Sam 84:1-12 hmangin in tihsiakna an nei ve leh a ni.

    Pi.Melody Lalhmangaihzuali, YPRS Ramthar North Corps in hla te thlangin tawngtairualna in chawhma inkhawm tih tawp a ni .

    Dar 1 p.m ah chawhnu inkhawm tanin Pi Lallianzuali, CRS Aizawl Bethel Corps in inkhawm kaihhruai in Naupang ten lam tual an mawi in Pathian faka zaina hun hlimawm tak hman a ni a,

                                    

 Lalhriatpuii Pachuau, Zotlang Corps hnen atang "Ka ring zel ang che  " tih hla mawi taka a sak ngaihthlak a ni.

 

    Maj Lalringngheta C.O Vaivakawn Bialtu in Hla a intihsiakna kaihruaiin Corps pasarih te atang YPRS te theuh Lengkhawm leh Zaipawla an intihsiak dan tur te pawh tirin Lengkhawm zai "Sual sipai ral nen nitin" tih hla hmangin intihsiakna a hun hman ani a, hemi zawh hian Zaipawl hla "Ding r'u, Ding r'u, Isua tan" tih hla hmangin intihsiakna neih chhunzawm leh a ni.

    Hermon Corps YP te hnen atangin Worship Dance hmuhnawm tak en ho bawk a ni.

 Pi C.Laldinpuii, YPT Ramthar Corps in hla te thlangin tawngtai rualna in chawhnu inkhawm tih tawp a ni.