THE SALVATION ARMY : CENTRAL NORTH DIVION YP RALLY GROUP - 7na Sunday

 Vaivakawn C.O Bial & Hermon C.O Bial

Reported by Documentation Sub-Council

THIANGHLIMNA INKHAWM

            Pi Lalkhumtiri, YPSM Vaivakawn Corps in inkhawm kaihhruaiin Bible chang Petera I 1:15 - 16 chhiara tawngtaiin inkhawm tan a ni. 

Pu R.C Daniela, CSM Vaivakawn Corps in Corps chhunga puan tur tul te a puan hnuin Pu Lalrinpuia Rally Secretary in Rally Report te pek chhunzawm in inkhawm awm dan tur te puanna hun a nei a chawmhma a inkhawm zawng zawng chu mi 450 kan ni tih a tarlang bawk a ni.

Pi Lalramhluni, YPT Zotlang Corps in hla te thlangin thawhlawm lak khawm a hlanna hun a hmang a ni.

    Maj. K.Zaliana Hermon Bialtu C.O in thusawina hun neiin Isuain naupangte a hnar ngai loh thu te, eng harsatna pawh tawk mah ila amah kan hnaih a, A hnena kan inlamlet phawt chuan min kalsan ngai dawn lo a kan mangan lai ber pawhin kan kiangah a awm reng tur thu te a sawi a. Naupang te/thalai te hi ruihtheih thila fihlim tur leh thianghlimna kawng zawh tlat turin min chah a, kan nun hi kan uluk a kan vawn that chuan ringtu kan nihna kawngah pawh min vawngin Pathian nen kan inkar pawh nasa takin a siam tha dawn a ni tih a sawi a, kan zavaia tana zawm theih tur thu tha tak ngaihthlak a ni.

Ramthar North Corps YP  ten "Thim lal kulh bei ula thiat rawh u" tih hla mawi taka an rem ngaihthlak a ni.

Aizawl Bethel Corps atang worship dance hmuhnawm tak en ho a ni.

K.Lalhruaitluangi, Zotlang Corps hnen atang Recitation Sam 42:1-12 ngaihthlak a ni.

Ramthar Corps YP te atang Timbrel Display hmuhnawm tak mai en ho a ni.

Vaivakawn Corps YP Beat Group ten "Tunge" tih hla hmangin Live Performance ropui tak an rawn entir a mit leh beng a tlei hle.

Vaivakawn C.O Bial leh Hermon C.O Bial Company Guard zawng zawng ten "Puanzar nen, hla sa chungin Kanaan kan pan" tih hla mawi takin an rawn rem a ni.

Pi Chawnghluni, YPSM Hermon Corps in hla thlangin banna hun a siam a, thianghlimna inkhawm hun chu tih tawp a ni.

FAKNA INKHAWM

        Pu B.Laltanpuia, YPSM Ramthar North Corps in inkhawm kaihruaiin Bible chang chhiar in Fakna Inkhawm hun tan a ni.

Pu Lalrinpuia Rally Secretary hnen atang thupuan ngaihthlak niin Vaivakawn Corps ten zo taka Rally an lo thlen avangin leh kawng engkima an lo buaipuina avangin lawmthu a sawi a, YP ten an inkhawmpuina atana an thu leh hla zir tak hi an rilruah an vawn renga; nakin zel atan pawh an hman tangkai ngei a rin thu a sawi a ni. YP Rally atan a Corps tin ten an budget thawh khawm zat te leh an hman ralna te Report a pe a, thianghlimna inkhawm a thawhlawm Rs.9605/- leh budget an thawh atanga a bang zawng chu a thlengtu Vaivakawn Corps hnenah hlan a ni. Rally atana kan Judge te Souvenier hlanna hun a hmang nghal bawk a ni.

Ramthar Corps Junior Brassband hnen atangin rimawi ngaihnawm tak ngaihthlak a ni.

Maria Lalmawipuii, Kanan Corps hnen atang "Engtia awm thei nge?" tih hla mawi taka a sain mipuite min awi a ni.

Ramthar North Corps YP te hnen atangin Timbrel Display hmuhnawm tak en ho a ni.

Aizawl Bethel Corps YP te hnen atangin Skit hmuhnawm tak en ho niin tunlai kan nunphung nen a inmil tak tur leh zirtirna tha tak nei a ni.

Maj. R.Lalringngheta Convener leh Vaivakawn Bialtu C.O ni bawkin Result leh lawmman semna hun kaihruaiin, Vaivakawn C.O Bial leh Hermon C.O Bial YP Rally a result te chu hetiang hi ani:

1.Vaivakawn Corps

2.Ramthar North Corps

3.Kanan Corps

4.Ramthar Corps

5.Aizawl Bethel Corps

6.Zotlang Corps

7.Hermon Corps

Result leh lawmman semna hun te neih a nih hnuin thusawina hun neiin, Bible chang hmun hnih ami I Thessalonika 4:7-8 leh Genesis 39:9 te chhiar in Pathian chuan engtiklai pawhin min hmu reng a chuvang chuan kan nun hi kan uluk a Pathian malsawm tlaka kan awm reng a pawimawh zia te a sawi a. Thianghlimna hi Pathian kan anna hnai ber a nih avangin keini pawhin thianghlimna hi kan ngaipawimawh hle tur a ni a, kan taksa pawh hi kan vawn thianghlim hi a ngai hle a ni tih a sawi a ni. Thusawi zawhah hian inhlan tharna hun hawngin naupang leh zirtir tute an inhlan thar a ni.

Pu Vanlalchaka, YPSM Ramthar Corps in hla te thlangin naupang ten lamtual mawiin Pathian fakin hlim takin an zai a; hemi zawh hian banna hun a siam a, YP Rally 2023 chu a tiak ta ni