Father's Day 2023

 Thianghlimna Inkhawm

Vawiin 18th June 2023 hian kumtina hman thin angin Vaivakawn Corps chuan Father's Day (Pa te ni) hlim takin kan hmang a. Inkhawm hi Nl. Laltlanthianghlimi'n nung taka kaihruaiin, items benglut tak tak YP naupangte, SAY te leh Home League atangin ngaihthlak a ni.

CSM in puan tur tul leh thawhlawm lakkhawmna a neih hnu in. Maj. R. Lalringngheta (CO) in local officer long service badge  Pu. Lalrammawia (CS) leh Pi. H. Lalawmpuii (HLS) an hlan a. Kan corps a hetiang chawimawina dawng pha pahnih lai kan nei hi kan chhuang hle. 

Pi Lalhlimpuii YPRS in "Pa-in a fate a khawngaih ang hian Lalpa chuan amah tihtute chu a khawngaih thin." (Sam 103:13) hmangin Pa ropuina thiam takin a rawn puangchhuak a. A ngaihnawm hle a ni.

 

Item hmasaber atan beginners naupangten Eph. 6:1-3 an sawi a, an thiam in an lawmawm hle.

YP Male voice in "I sual ritphurh tih bo na i duh em" tih hla thiam takin an rawn sa a, an thuawihna chu corps mipui ten an ngaisang em em.

Hemi zawh ah hian Home League secretary lo ding in  Home League in Pa te chawimawinan corps chhunga Pa te zawng zawng "Best Father Medal" an pe a. Eng mi pawh ni se an fa te tan chuan "Pa Tha ber" an ni tih lantirna a ni. Home League te hian Pa te an chawimawi thiam ni, Father's Day 2023 hi hriatreng tlak in an siam a ni. 

Hemi zawh ah hian SAY lam atangin Tv. Lalremruatdika'n "Aw Isu" tih hla nung takin a rawn hlan a, a ropui hle. 

Hemi zawh ah hian Home League in Timbrel mawi takin an rawn beng a, an lamthiam in an entawn tlak hle a ni. 

Pi Lalrinchhani hnen atangin short speech tha tak kan ngaithla a, a ni hian corps chhunga Pa zawng zawng te pen leh note book pe in, "Mipa lu chu Krista a ni" tih a ziah tir vek a. Thuchah a sawi thiam in Pa mawhpurhna  leh pawimawhna a nasa takin a tarlang.

Maj. Lalringngheta'n malsawm tawngtaina in hun a khar a. Father's Day 2023 thianghlimna inkhawm chu hlim takin kan hmang a ni. 

Men's Fellowship ten Pa te ni pual in sawhchhiar tui tak an lo buatsaih bawk a. Corps mipuite kan tlei hle. 

Chhandamna Inkhawm

Chhandamna Inkhawm ah chuan Pi Lalremsiami (HLVS) in inkhawm a hruai a, Bible chang chhiarin tawngtaina in inkhawm a hlan a.

CSM in lawmthu sawina leh thawhlawm lakkhawmna a neih hunin, Vaivakawn Corps Band in "Song of the Soldier" ropui tak in a ham a. Corps mipui te thinlung a hneh hle a, kan band te hi an ham mawi thei in kan chhuang hle a ni. Testimony nung tak tak kan ngaithla chhunzawm nghal bawk.

Hemi zawh ah hian Tv. Lalhmingsanga hnen atangin short speech kan ngaithla a. Luka 8:41-42 chhiar in, pa te hlut zia leh an in pek na nasa tak te a tarlang a. Keini thalai te'n lawmthu sawi kan bat zia sawiin, thalai ai awh in lawmthu a sawi nghal bawk. Mi zawng zawng Pa chu Pathian a nih thu, thiam takin a rawn puang chhuak a ni. 

Men's Fellowship zaipawl ten "Chatuan nunna rohlu ka char ta" tih thiam takin an rawn sa a. A ropui in chhungkaw lu ber ten a "Hei hi a ni, khawvel hneha ngamna chu, Kan rinna hi" an ti thap thap chu an nupui leh fa nau te tan a thlamuan thlak hle a, hetiang hma hruai tu kan nei hi kan vannei bik khawp mai.

Pu. Lalhmunsanga Men's Fellowship leader chu lo din chhunzawm in Pa te an nih na a rawn hriat nawn tir a. An mawhphurhna dik tak te rawn tarlang in Pa te hneh ah thu chhah pasarih a pe a. Corps chhung a pa te chu hmasawn zel tur in a fuih bawk a ni.

 Major. Vanlalsiami (CO) in Pa chhungnung zia rawn sawi in malsawm tawngtaina in hun a khar a. Father's Day 2023 hlim tak leh hlawkthlak tak in kan hmang a ni. 

Father's Day 2023 a items nei zawng zawng te, a hlawhtling theih nan a buatsaih tute leh Vaivakawn Corps chhunga Pa awm zawng zawng chu Lalpa'n malsawm che u rawh se.