SAY MANNA

 Kum 2008 Mautam lai vel khan Kolasib DC Pu Dawngliana chuan "Josefa Buhzem" tih a siam a, chutiang  deuh chu Kanaan Corps (Tuna Vaivakawn Corps) SAY Executive Council chuan "SAY Manna" tih siamin Social Service peng pakhat atan thlatin lakkhawm turin Ip  buatsaih a ni ta a. Feb.2008 aṭangin kalpui a ni . Chuta sum tlingkhawm chu Manna a nih angin khawl lovin a haw hmasa apiang chu Corps chhunga  ṭanpui ngai zual ni a ngaihte hnenah semchhuah alo ni ta ṭhin a ni.

Pathian zarah sum alo tlingkhawm tam chang chuan Corps pawn lam te, Hospital hrang hrang leh mimal in lamah te luanchhuah nan hman a lo ni ta zel a, Pathian malsawmna pawh kan dawng ve zel bawk a ni.

Covid-19 hripuiin min tihbuai avangin kum 2 zet chawlh anih  hnuah kumin 2023 hian kalpui a lo ni leh thei ta a, Pathianin mal min sawm a, a hmasaber atan  Damlo mi 3 leh Naupang 2 tan kan luangchhuak thei ta  hi kan lawm khawp mai. LALPAN ropuina chang se, ṭanpuina kan hlante pawh malsawmin tichak / tidam zel se tih chu kan ngensakna a ni e.