MOTHER'S DAY 2023

Thianghlimna Inkhawm

Vawiin 14^th May 2023 hian kumtina  tih thin angin Vaivakawn Corps chuan Nute Ni hlim takin kan hmang a. Inkhawm hi Pi Lalkhumtiri YPSM in kaihruaiin, items benglut tak tak YP naupangte leh SAY lam atangin ngaihthlak a ni.

Item hmasaber atan beginners naupangten Eph. 6:1-3 an sawi a, an thiam in an lawmawm hle a ni.

Primary department naupangten worship dance leh timbrel display in an chhunzawm a, an hmuhnawm hle a, mi lawm pawh an hlawh hle.

 Lalpeksanga Primary department in recitation thui tak, Nu hmangaihna leh Nu hlutna lam, hla hrang hrang atanga lakhawm leh Bible chang hrang hrang ami lawrkhawm thiam takin a sawi a, a by heart thuiin a fakawm hle mai. 

Tin, YP Zaipawl ten , “Ka nu, ka nu min hrilh rawh” tih hla thiam takin an rem a, rilru a hneh hle.

SAY atangin group singing “Khawngaihna mak a ni” tih leh Tv. Lalnunsanga hnen atangin ‘Tawngtaina’ tih hla mawi tak ngaihthlak a ni bawk.

Nute Ni pual a SAY Literature Sub Council-in a  buatsaih, ‘Nu Hmangaihna’ tih thupui hmanga article, poem leh short story  inziahsiak lawmman semna neih a ni nghal bawk a, heng category hrang hranga lawmna dawngtute chu

Article- ah

1.  Nl. Lalnuntluangi

2.  Nl. Christina Laldintluangi 

3. Tv. Lalhmingsanga Pachuau

 

Poem-ah

1. Pu R. Lalhuliana

2. Nl. Lalfakawmi

3. Pu R. Hranghnuna

 

YP:        1. Venus Lalramtluangi ( Primary department )

              2. Ruth Lalfakawmi ( Primary department )

 

Consolation prize :

1. Tv. R. Lalmuanpuia

2. Lalruatsangi ( YP )

3. Lalengzuali (YP )

4. Tv. Lalremruatdika

 

Heng competition te hi Pu Johnson LM Zova, Kanan Corps leh Tv. Lalnunsanga Vaivakawn Corps ten an endik  a ni.

 

Tv. K. Lalramthara hnen atangin Nu Hlutna ngaihthlak a ni a, Thuf. 10 atangin nu leh fate inzawmna thuk zia a sawi a, kan nu te hi an dam lai ngei hian an hlutna kan hriat a pawimawh zia thute a sawi a, nu te hi thil te ber atang hian an pawimawhin chung thil te berte chuan an han awm loh chiah hian an hlutna a tilang chiang em em thin a ni. Eng anga sual pawn a thih dawn darkarah te Pathian chhandamna a chang thin a,  chungte chu  nute tawngtaina vang a ni, sual kawng zawhturin in chhuahsan mah ila, nu te thinlung atang hian vawikhat pawh kan chhuak ngai lo,  kawng dik zawh tura min hrilhtu kan nu leh pa te hi an dam lai ngei hian an hlutna i hre thar ang u tiin a thusawi a khar a ni.

  

Nu leh nuapangten Nute Ni apianga an  tih thin angin hla in chhang SA hla bu No. 494 & 495 te sak a ni a, hemi zawh hian naupangten an nu te chawimawina pangpar an hlan a, a hlimawm hle a ni.

 

Maj. Vanlalsiami CO kaihhruaina in nuten Sam 20: 1-3 hmangin an fate malsawmna an hlan a ni. 

Maj. Vanlalsiami hnen atang hian naupangte hnena lawmthu sawina leh Hmangaihna tih thupui hmangin thuchah tawi ngaihthlak a ni a, nu te hmangaihna hi Pathian atanga chhuak a nih thu te, nu leh pa ti hrehawm a, an thu awih lo chuan Pathian malsawmna an dawn ngai lo thu te, Pathian malsawmna dawn kan duh chuan kan nu leh pa te chawimawi a, an thu awih a pawimawhzia te a sawi  a . Pathian chuan min hmangaih avangin kan tan hrehawm tam tak, thih phah hial khawpin a tuar a, chuvang chuan Pathian hmangaihna chu chhuanlam siam lova kan theih ang anga  chhang let ve tur kan nih zia te,mahni mihringpuite chunga hmangaihna lantir te, A chanchin tha puang darhte hi kan tihtur pawimawh tak a ni tih thu ngaihthlak a ni.

 

Inkhawm banah Home League lamin refreshment tui tak an buatsaih chu hlim takin kan ei ho a ni.

Chhandamna Inkhawm

 Chhandamna Inkhawm ah chuan Pi K Vanlalhruaii (HLT) in inkhawm a hruai a, Bible chang chhiarin tawngtaina in inkhawm a hlan a.

 CSM in puantur tul leh thawhlawm lakkhawmna a neih hunin, Home League ten Timbrel mawi takin an beng a. Kan Home League te hi Timbrel ben leh lam te hi an thiam hle a, kan chhuang hle a ni.

Hemi zawh ah hian Pu. CC Sakhawlian Corps Treasurer hnen atangin "Nu te hlutna" tih thupui hmangin thusawi tha tak kan ngaithla a. Nu te hi chhungkaw tana doctor, psychiatrist and remna siamtu an nih zia a rawn pho lang a. Nu hlutna a tilang chiangin ngaihnawm hle .

Testimony nung tak tak ngaihtlak a ni bawk a, a hlawktlak hle. Home League ten "A hmangaihna a lo ni" tih mawi takin an rawn sa bawk a ni.

CO Major. Lalringngheta atangin Pathian thu chah ropui tak kan ngaithla a, chhungkaw nu te rinna ah hian thiltihtheihna a awm zia bible a nu rinna nghet tak tak te entirnan a hmangin a rawn puang chhuak a. Nu te hmangaihna hlut zia leh chhungkaw tana malsawmna an nih zia ngaihnawm takin a rawn sawi bawk a ni. 

Nu te ni hi nu nei tawh lo te leh fa pangpar pe tu tur nei lo te pawhin hlim takin kan hmang tlang thin a, Nute ni hmuchhuaktu ngei pawh hi nu nei tawh lo anih avangin, nu nei tawh lo te pawn an nute an hlut tharin  an theih ang angin an chawimawi a, fa pangpar pe tutur nei tawh lo te pawn inkiltawih mai lovin Biak In ah lo kalin hun hlim awm tak kan hmang thin a ni.