Palm Sunday 2023

Palm Sunday 02/04/2023

Zingkar Kawngzawh:

 Vawiin Palm Sunday hian zing karah YP naupang ten  Isua Krista chawimawina  kawng zawhna neih a ni. Biak in ah zing dar 6 ah naupang leh nu leh pa70 vel kalkawmin YPSM in tawngtaina a neih hnuah kawngzawhna hi neih tan a ni a, 

naupangte chuan , “Hosanna, Lalpa hminga lo kal chu fakin awm rawh se, Ram lo thleng tur kan PA Vana mi ram chu chawimawiin awm rawh se. Chungnungberah khian HOSANNA” tia tumkau nena aurualin leh fakna hla sa chungin kawng hi an zawh a, Zohnuaiah  CO Maj. Lalringnghetan tawpna siamin malsawmnain hun a khar a ni.

Thianghlima Inkhawm:

Zing dar 10 ah Palm Sunday puala Thianghlimna inkhawn neih a ni a. Pi. Lalrinchhani  in hruai na hun a hmang a, Sam 24:7-9, Sam 150, Luka 19:23 leh Philipi 9:11 te chhiar in tanna a siam a. 

CSM in puan tur tul a leh thawhlawm lak khawm na a neih hnu in. Capt. R. Lalmuansangi atangin Zodin Society biakin sak report kan ngaithla.

CO Maj. Lalringngheta tangin "Lalpa hminga lo kal chu fakin awn rawh se",  tih thupui hmangin thuchah ropui tak kan ngaithla a. Lalpa fak leh chawimawi turin Pathian thu in min sawm thu sawiin sawm na aw ti hlawhtling ngei turin thu min chah bawk a ni. Hemi bakah hian kan hmui ringawt a fak leh chawimawi lovin kan nunna bet tlat turin leh a lang a pau in leh hmun kil khawr berah pawh Lalpa fak leh chawimawi reng turin min chah bawk a ni. Hemi zawh ah hian banna siam a ni. 

Chhandamna Inkhawm:

Zan dar 7:00pm a Palm Sunday pual a Chhandamna inkhawn ah Nl. Marilyn Lalzirpuiin hun a hruai a, Luka 19:34, Mika 6:8, Johan 4:23 leh Rom 12:1 chhiarin, tawngtaina nen inkhawm tanna a siam a.

CSM in puan tur tul a leh thawhlawm lak khawm na a neih zawh ah hriatpuina tha tak tak te ngaih thlak a ni bawk.

Pu. F. Lalchuailova PFS atangin "Lalpa in a duh a ni", tih thupui hmangin thuchah nung tak ngaihthlak a ni a. Lalpa in keini mihring te atanga a duh te chu hmun li ah thenin, chung chu: dik taka thil tih te, Pathian nena thuhnuai rawlh taka len dun te, thlarau leh tih takzet a Pathian chibai buk te leh Pathian lawmtlak a in hlan te a ni tih min hriatir bawk a ni.
 

Hemi zawh ah hian banna siam a ni a. Palm Sunday 2023 chu Pathian fak leh chawimawi hi kan tih tur tul ber a nih zia te leh Lalpa in a keini mihring te atanga a duh te hre nawn in, kan hlawk pui hle a ni.