EASTER SUNDAY 2023
EASTER SUNDAY PROGRAMME || 09.April,23
EASTER SUNRISE SERVICE (3:40 AM)
Zingkar Dar 3:40 ah Biakin aṭangin Vaivakawn Corps Band ten Lal Isua Thawhlehna hla ham in Biakin (Vaivakawn Corps / Prayer Hall ) ah hla vawi khat (A tho ta) tih chu ham in, ṭawngṭainate hman zawhin Biakin chhuahsan a ni a.
Hmun dangah chuan Sakawrtuichhun veng ah ham hmasak ber na hun neiin (A tho ta)tih hla hmangin Pathian an fak a ni. (SAY lam aṭangin Vaivakawn Corps Band te an rawn ṭawiawm bawk a ni). Sakawrtuichhun ah hian Hmun 2 ah an ham a , Presbyterian Kohhran Biakin bulah leh a piah deuh ah an ham a ni. Sakawrtuichhun an zawh hnu ah chuan Central Jail bulah an ham leh bawk a,. Central Jail bula an ham zawh hnuin Jail Vengah kan ham leh bawk a ni. Hemi zawh ah hian Chawlhmun ATM bulah an ham leh a , Chawlhhmun UPC biakin bulah Chawlhhmun Corps ten Pathian fakna an lo hmang a, chu chu an zawm a,tin, Chawlhhmun Corps ten an Biakin chungah VVK Corps Band te min sawm a, an Biakin sak mek in chungah kan ham leh bawk a ni.
Chumi zawhah chuan Luangmual Presbyterian Kohhran Biakin bulah an ham leh a, Chhangurkawn ah ham leh in Zotlang Presbyterian Kohhran Biakin bulah an ham leh a ni. Tin , 7th Day kawngkual lai ah an ham leh bawk a, Helen Lowry pan chhohna ah ham leh bawk a . Tichuan , zingkar a Band Rawngbâwlna (a thawhlehna kawngzawh) chu kan zo fel ta a.
Pathianin min kaihruai a, hun nuam tak leh tluang takin kan zo thei a ni. (Lalpa fakin awm rawh se)
EASTER SUNDAY THIANGHLIMNA INKHAWM (11:00 AM)
Easter Sunday (A thawhlehna) chawhma inkhawm chu dar 11 ah ṭan ni in Pi Lalremsiami HLVS in inkhawm a kaihruai a, Bible chang a chhiar zawhah chuan Mipui zaihona hun hman ni in SA Hla Bu no. 158-na "THLANAH A LO AWM TA" tih hla chu Vaivakawn Corps Band te kaihhruainain amah kan fak a ni.
CSM in puantur ṭul leh thawhlawm lakkhawm na hun a hmang a, hemi zawh ah hian YP Beat Group ten Pathian fakna hla 'ISUA LALBER A NI' tih hla chu nung takin Pathian an rawn chawimawi a, naupang an ni na vang vangin an music pawh a mawi takzet a , Zai lah a nalh in a aw a mawi si a, Pathian an chawimawi lai han hmuh hian hnuk an ti ulh hial a ni.
YP te an zai zawh hian Vaivakawn Corps Band Secretary Lalramthara hnên aṭangin Easter Sunrise Service a Corps Band ten hun kan hmanna turah Corps mipuite min ṭawiawm ṭhat na ah lawmthu sawina hun te a hmang a, a hman zawh hnuin VAIVAKAWN CORPS BAND ten "BECAUSE HE LIVES" tih hla mawi takin an rem a ni.
Pathian thuchah sawitu Pu CC Sakhawliana C.T lo dingchhuakin a hnên aṭangin Pathian thuchah nung tak "MITTHI ZING A TA A THO LEH TA" tih thupui hmangin thu a sawi a, Bible hmun hrang hrang a mi te chhiar in History lam thil te sawi in , a ngaihnawm in a bengvâr thlak em em a, kan hriat ngai zen zen loh thu te rawn sawi chhuah na a nei bawk a , a thu a tha in a nung em em a Pathian awmpui a nasa takzet a ni . A thusawi tawpna ah hian "ISUA KRISTA HNUNGZUI ZÊL TURIN" tih chu Mipuite hnênah a chah bawk a , Lalpa a ropui in a in chawimawi takzet a ni.
Pathian fak a chawimawi ho nan Hruaituin SA Hla bu no. 132-na "KRISTA THISEN HLU TAK CHHUAK CHU" tih hla chu thlangin Pathian kan fak a, a tawpah Lal Ṭawngṭai na in hun tih tawp a ni. Inkhawn ban ah hian thingpui leh artui te ei ho a ni bawk.
EASTER SUNDAY CHHANDAMNA INKHAWM (7:00 pm)
Chhandamna inkhawm hi Pi Lalhliappuii (HLWS) in inkhawm hun kaihruaiin Bible chang a chhiar leh Ṭawngṭai na hun hmang hnuah CSMin puantur ṭul leh thawhlawm lakkhawm na hun a hmang a, Corps Sipaite hnênah GOOD FRIDAY leh EASTER SUNDAY PROGRAMME chu hlawhtling tak kan hman avangin lawmthu sawina hun te a hmang a ni. Corps Secretary hnên aṭangin Corps Council Minute te chhiar chhuahna hun leh thahnem ngaihna thu te sawina hun a hmang bawk.
Men's Fellowship te hnên aṭangin Pathian fak hla ngaihthlâk a ni a, 'MI THIANGHLIM TE U EN TEH U' tih hla hmangin Pathian an chawimawi a , chumi hnuin hriatpuina hawn a ni a, Pi. K. VANLALHRUAII HLT. leh Pu F. Lalchuailova P.F.S hnên aṭangin hriatpuina nung tak tak kan ngaithla a, a hlawkthlak hle a ni.
YP Beat Group ten Pathian fakna hun hmang leh in an hla chuam "Isua Lalber a ni" tih hla chu mawi tak leh nung takin an rawn sa chhuak leh a, Corps Mipuite lawm an hlawh êm êm a ni.
Pathian thu puangchhuaktu Pu R. Hranghnuna (CVS) chu lo dingchhuakin Corps Sipaite min din tir a, 'Mahni a nung ka ni ta lo' tih kan sa a, Pathian thuchah ngaihthlak chhunzawm niin Bible chang rawn chhiar in, "KRISTA RUALIN MIN TI NUNG TA" tih thupui hmangin Pathian thuchah nung tak kan ngaithla a ni.
Hruaitu lo ding leh in Pathian fakna hla thlanna hun a hmang a, SA Hla Bu no. 90-na 'AW FAK RU PATHIAN BERAMNO' tih hla hmangin Pathian kan chawimawi a , Lal Ṭawngṭaina in Easter Sunday Programme chu tih tawp a ni.
Lalpan min kaihruai a, Good Friday leh Easter Programme hlawhtling tak a min hman tir avangin LALPA CHU FAKIN RAWH SE..
Comments
Post a Comment