Corps Cadet Sunday

 

Thianghlimna Inkhawm

Zing dar 10:00am ah inkhawm tan a ni a. Nl Rosaline C. Vanlalruati,CCG in inkhawm hruaiin Bible chang Corps Cadet te inghahna Sam 119:9 na leh Sam 23:1-6 a chhiar a, tawngtaina in inkhawm a hlan a ni. Hla number 96 na "Aw Kalvari tlang chungah chuan" tih a thlang a, lamtual mawi tawk lamin zaihona tha tak neih a ni.

CSM in announcement and collection hun a hman zawhah CO Major. Lalringngheta'n nau hlanna a nei a, nau pali a hlan ani.

 Hemi zawhah hian Corps Cadet ten an thutiam sawirualna an nei a. Corps Cadet te hian thuthiam sawmpakhat (11) an nei a ni.

Thutiam sawi rualna zawhah huak Nl. Lalhmangaihzuali, CCS in Corps Cadet report a pe a. Tunah hian Corps Cadet sawmparuk(16) an awm mek a. Lower leh Higher then niin kum thum chhung Lower zir zo ten kum thum chhung bawk Higher an zir leh thin a ni. Sunday YP inkhawm banah Corps Cadet inkhawmna neih thin a ni a. Bible chhiar rualna leh zirlai zirna leh lesson chhana hun hman thin a ni. Lesson chhan mai bakah thla thum danah an zirlai ah a tih a tih chi a awm thin a, zirtirtu ten Corps Cadet te hlawkpui theih tur an ruahman thin a ni. Work card hi an chhang ziah bawk a, inkhawm leh inkhawm na a an thiltih ten mark nei vekin inkhawm tam leh chanvo nei te chuan mark an hmu tam thin hle a. Bible changvawn hi thlatin nieh thin a ni a, an work card-ah mark 10 lai a put a vangin an ngaipawimawh thin hle. Quiz hi quarter tin neih a ni thin bawk a ni.

Corps Cadet report ngaihthlak zawh hnuah Tuichondoh Society atangin Kros sipai rawn ding in an society mamawh te leh an mamawh leina tura an kutchhuak thil siam sumtuakna tur a an rawn ken thu te a sawi a. Society report a pe bawk a ni. 

Hemi zawhah hian CC Esther Lunmuankimi'n CCG hla thlan "Lalpa a tha" tih hla thiam takin a sa a.

Major Lalringnngheta CO lo ding chhuakin LOM member thar lawmna a neih zawh hnuah Pathian thuchah Corps Cadet te fuih thei tur a sawi a. Bible chhunga mi entawn tlak tak tak te entirnaah hmangin thu tha tak a sawi a ni.

Inkhawm banah Corps Cadet Sunday pual luanchhuah nan Tuichondih society hnehah thilpek hlan a ni.

Chhandamna Inkhawm :

Dar 7:00 pm ah inkhawm tan a ni a. Nl. Lalnuntluangi, CCT in inkhawm a hruai a ni. Bible chang Sam 139:7-10 a chhiar a, tawngtaina a neih zawhah hla no. 399na a thlang a, zaihona tha tak neih a ni.

CSM in announcement and collection hun hmangin Tuichonhoh Society sumtuakna a sum hmuh zat te a report bawk. Corps Cadet ten Bible chang sawirualna an nei a. Johana 3:16-17 an sawi a ni.

Pathian thuchah sawitu Pi. H. Lalawmpuii. HLS a ni a. A ni hi hun rei tak Corps Cadet Guardian lo ni tawh a ni a. Coprs Cadet te thilpek a pe bawk a ni. Duhthlanna dik (make wise choice) tih hmangin Pathian thuchah tha tak Corps Cadet te hlawpui tur a sawi a ni. Thuchah sawi zawhah Corps Cadet te tan tawngtaisakna a nei bawk a ni. Hemi zawhah hruaitu lo ding chhuakin hla no. 484 na "Lal Isua thian duhawm ka neih hnu hian" tih hlain inkhawm kan tin a ni.

Corps Cadet Sunday 2023 chu Pathian awmpui na in hlawhtling taka hman a ni a. Corps Cadet naupang te mai bakah Corps Sipai te pawn kan hlawkpui hle a ni.