Commanding Officer Installation

 Vawiin ni 26.march 2023(sunday), Thianghlimna inkhawmah hian Vaivakawn C.O bial chuan kan bial vawngtu tur C.O thar Maj.R.Lalringngheta te chhungkua chu, bialin Vaivakawn Corps ah  lawmna inkhawm a buatsaih. He hunah  Vaivakawn CSM R.C Daniela chuan hun kaihruaiin, C.O thar te nupa hi pangpar hlan a ni. 

Announcement and Collection hi Pu.C.C.Sakhawliana, Vaivakawn corps treasurer chuan rawn kaihruaiin, Bazar C.O bial vawngtu Maj. J.C Ngurthanzauva chuan C.O tharte nemnghehna hun a hmang a.

Vaivakawn Corps Band ten ropui takin C.O thar te lawmna leh Pathian chawimawina atan, "Camp Arnold" tih chu an hlan zui nghal  a ni.  

Kanan Corps Songster ten mawi leh nung tak maiin, "Kan Pathianin min hruai zel ṭhin," tih chu an rawn sa a,

Maj. Vanlalsiami, (C.O thar) in ṭul a tih zawng leh a duh zawng sawina hun hmangin, tawi fel tak maiin Pathian thu nung tak mai leh an chhungkaw chanchin a rawn sawi bawk.

 Nl.Lily Lalṭhakimi Zotlang corps in Pathian fakna hla, "Kei kher min thlang," tih hla nung tak maiin a hlan a,

 Bial aiawhin welcome speech,Pu. H. Vanlalnuna Vice Chairman in a sawi bawk a ni.

 "Halleluiah," tih hla ropui tak maiin Vaivakawn corps Songster ten an rawn sa a, sipai inkhawmten an hlut hle. 

Pathian thuchah  tawi fel takin Maj.R.Lalringngheta'n sawiin, Banna hi Pu. PC.Lalremsanga, bial Assist.secretary chuan rawn hmangin, Malsawm ṭawngṭaina-in Maj.R.Lalringngheta'n min ṭin ta a ni.Inkhawm banah thingpui tui tak leh a hmeh tuihnai tak, inkhawm zawng zawngte tan buatsaih a ni bawk.

      C.O thar lawmna inkhawm hun eng emaw chen aṭanga kan lo nghah leh kan lo inbuatsaihna chu vawiinah a takin Pathian kaihhruaina azarah kan hmang thei hi a ropui hle mai. He hun atana chanvo nei zawng zawngte inbuatsaihna pawh a nungin mit leh beng a tlai hle.Pathianin kan C.O tharte kaltlangin, nasa zawkin kan bialchhungah Pathian hnathawh a lan zel hi kan beisei tlat a ni.