MEMBER THAR HLANNA & FELLOWSHIP
Reported by Lalfakzuala Assistant Leader SAY
Ni 30.01.2023 (Mon) SAY Meeting khan kum 2023 SAY member hlanna leh Fellowship hun hlimawm tak Biak Inah hman a ni.
Inkhawm hi Session hniha then niin, 1st Session-ah hian kan Leader, Dr. Richard CLR Hluna’n kan hunte kaihruaiin kan Secretary Nl. Lalnuntluangi’n puan tur tul, thawhlawm lakkhawm & hlanna leh Brigade member thenna hun a rawn hmang. Tawngtai rualna neih niin member hlanna kan Senior Adviser, Pu R. Hranghnuna’n a rawn nei a, fuihna thu, kan mamawh leh hlawkthlak tak tak a sawi bawk.
2nd Session chu kan Asst. Secy. zei, thu leh hla thiam Tv. K. Lalramthara’n min kaihruai a, mit leh beng a tlai hle. Kum 2018 Brigade Night Solo Competition-a 1-na Nl. Lalchhanchhuahi Pachuau in hun a rawn hmang a, a thiam a la theihnghilh lova, inthlahrung tak chungin thiam tak leh ropui takin a rawn zai.
Kum 2018 Brigade Night Beat Contest champion te pawh kum 5 hnuah an rawn in tel khawm leh a, an music-in lawm a la hlawh reng. Vocals hlim thei tak Adintei hovin Lead guitarist zawi ve tak Sammy, keyboardist thawm dim Atluanga, bassist patling Faktea leh Drummer phur satliah Tommy ten an la thiam zia an rawn show a, mipui an phusa.
Item tawp berah Pa Hriata leh a thiante (Hriata, Hruaitei, Aroma, Mama2, Chhana, Tommy) an rawn che leh a, Senior Adviser leh Leader hovin kan lam suau suau. Zai mai duhtawk lovin, rap thlengin an rawn telh a, lam dante min zirtir bawk. Inla rappers Chhana leh Tommy te rap laiin boruak a sang hle a thlalak pawh a fiah hman meuh lo ani. Items karah Brigade Leader pahnih interview ngaihnawm tak ngaihthlak tur a awm bawk.
Inkhawm banah thingpui leh a hmeh tui tak inho niin member 42 kan inkhawm a, hun tha tak kan hmang.
Comments
Post a Comment